Pune News : पुणे : पुणे शहरातून धक्कादायक बातमी समोर आली आहे. शहरातील वारजे परिसरात भरदिवसा गोळीबार झाला. या घटनेनंतर शहरात एकच खळबळ उडाली आहे. या गोळीबारात एक 21 वर्षीय तरुण जखमी झाला आहे. घटनेची माहिती मिळताच वारजे माळवाडी पोलीसांनी धाव घेतली आहे.
सुरज तात्याबा लंगार (21, रा. वारजे माळवाडी) असे जखमी झालेल्याचे नाव आहे. त्यास उपचारासाठी रूग्णालयात दाखल करण्यात आले आहे.
दुपारी सव्वाचार वाजण्याच्या सुमारास घडली घटना
मिळालेल्या माहितीनुसार, वारजे माळवाडी परिसरातील जय भवानी चौक पाण्याच्या टाकीजवळुन सुरज जात असताना दुचाकीवरून आलेल्या तिघांनी त्याच्यावर गोळीबार केला. (Pune News) एकुण 3 राऊंड फायर केले असल्याची माहिती वारजे माळवाडी पोलिसांनी दिली आहे. गोळी सुरजला डाव्या बाजूला चाटून गेली असून तो जखमी झाला आहे.
दरम्यान, स्थानिक पोलिस आणि गुन्हे शाखेतील वरिष्ठ पोलिस अधिकार्‍यांनी घटनास्थळी धाव घेतली आहे. (Pune News) ही घटना शनिवारी दुपारी सव्वा चार वाजण्याच्या सुमारास घडली आहे. गोळीबाराची घटना घडल्याने परिसरात प्रचंड खळबळ उडाली आहे. घटनास्थळी मोठया प्रमाणावर नागरिकांची गर्दी झाली होती. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pune News : पुण्यातील भोरमधील नेकलेस पॉईंटजवळ भरधाव पिकअप पलटी; 7 मजूर जखमी
Pune News : पती-पत्नीतील कौटुंबिक वादावरून एनडीएतील अधिकाऱ्याला पत्नीसह सासू-सासऱ्याकडून मारहाण
Pune News : लायसन्ससाठी ५० हजाराच्या लाचेची मागणी करणारा लिपीक एसीबीच्या जाळ्यात
