Pune News : पुणे : पुण्यातील चाकण तळेगाव रोडवरून अपघाताची बातमी समोर आली आहे. कंटेनरने अचानक ब्रेक लावल्याने मागची दुचाकी कंटेनरला धडकून यामध्ये एका 62 वर्षीय जेष्ठाचा मृत्यू झाला आहे. हा अपघात रविवारी (दि.11) रोजी घडला आहे.
अज्ञात कंटेनर चालकावर गुन्हा दाखल
सुनिल शिवराम चव्हाण (वय 62) असे अपघातात मृत्यू झालेल्या जेष्ठाचे नाव आहे. या अपघात प्रकरणी कौस्तुभ सुनिल चव्हाण (वय 25 रा.लोणावळा) यांनी तळेगाव एमआयडीसी पोलीस ठाण्यात तक्रार दाखल केली आहे. (Pune News) त्यावरून अज्ञात कंटेनर चालकावर गुन्हा दाखल करण्यात आला आहे.
मिळालेल्या माहितीनुसार, रविवारी चाकण तळेगाव रोडवरून तक्रारदार यांचे वडील हे दुचाकीवरून जात होते. यावेळी माळवडी येथे त्यांच्या समोर जाणाऱ्या कंटेनरने अचानक ब्रेक दाबला. (Pune News) याची कोणतीही कल्पना नसल्य़ाने तक्रारदार यांचे वडील कंटेनरला मागून धडकले. यात त्यांच्या डोक्याला गंभीर मार लागला व यातच त्यांचा मृत्यू झाला. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pune News : बकरी ईदला जनावरांची वाहतूक करताय? आरटीओकडून ‘हे’ निर्बंध
