Pune News , लोणी काळभोर : जेष्ठ समाजसेवक अण्णा हजारे यांच्या वाढदिवसानिमित्ताने बकोरी देवराईत ५०० झाडांचे वृक्षरोपण करण्यात आले आहे. (Pune News) यावेळी ऊंबर, कडु लींब, चिंच, अर्जून, पुत्रजिवा, वड, सिसम, करंज, भेंडी, फणस, जांभुळ, पिंपळ,कांचन,आपटा या देशी झाडांचे वृक्षरोपण करण्यात आले. बकोरी येथील वृक्षमित्र चंद्रकांत वारघडे यांचा या स्तुत्य उपक्रमाचे सर्वत्र कौतुक होत आहे. (Pune News)
यावेळी राज्य माहीती सेवा समीतीचे संघटक बाळासाहेब वारघडे, संदीप डफळ, वैकफील्ड कंपनीचे एच .आर.योगेश सातव, तुकाराम डफळ, वाय.टी.डी.एस. सोसायटीचे अध्यक्ष अमित बिंगानिया, संदीप कोलते, अंतोश वारघडे, माहीती सेवा समीतीचे जिल्हाध्यक्ष लक्ष्मण गव्हाणे, उपाध्यक्ष अंकुश कोतवाल, हवेली तालुकाध्यक्ष कमलेश बहीरट, उपाध्यक्ष अमित साळुंक, रवी सलगीरे, तसेच टोयटा कंपनीचे कर्मचारी बकोरी ग्रामस्थ मोठ्या संख्येने उपस्थित होते.
बकोरी येथील वृक्षमित्र चंद्रकांत वारघडे यांचे माध्यमातुन बकोरी डोंगरावर वनराई देवराई प्रकल्प साकारत आहे. चंद्रकांत वारघडे यांनी १ कोटी झाडे लावण्याचा संकल्प केला आहे. त्यासाठी ते वेगवेगळ्या पद्धतीने झाडे लावण्यासाठी प्रयत्न करत आहेत. त्यांच्या माध्यमातून व वृक्षमित्र धर्मराज बोत्रे यांच्या सहकार्याने पि़पळे जगताप याठिकाणीही दुसरी देवराई उभी राहात आहे.
दरम्यान, दादा बाबाजी वारघडे या संस्थेच्या चंद्रकांत वारघडे यांनी १ लाख झाडे लावली आहेत. तसेच म्मागील ५ वर्षापासून संत ज्ञानेश्वर महाराज पालखी सोहळ्यात वाघोली येथील ऊद्योजक मनोज कांकरिया यांच्या आई प्रतिष्ठान या संस्थेच्या सहकार्याने दरवर्षी २ लाख देशी झाडांचे बियाणे वारकऱ्यांना वाटप केले जात आहे.एक झाड वारीचे वाटेवर ही मोहीम राबवली जाते. वारकऱ्यांना झाडांचे महत्व सांगुन झाडे लावणे, पर्यावरण रक्षण, जलसंधारण याबाबत माहिती दिली जाते.
याबाबत बोलताना चंद्रकांत वारघडे म्हणाले कि, अण्णा हजारे यांच्या वाढदिवसाच्या निमित्ताने वृक्षरोपण करण्यासाठी आलेल्या टोयटा कंपनीच्या कर्मचाऱ्यांनी एक आव्हान दिले होती कि, तुम्हाला १० कीलो माती देतो १० पिशव्या देतो. आपण प्रतेकाने घरी १० झाडे तयार करुन द्या. पुढील वर्षी आपण त्याचे वृक्षरोपण करु. आणि कोणत्याही नागरीकाने अशाप्रकारे मागणी केली तर त्यांना हे साहित्य मोफत दिले जाईल. असे वारघडे यांनी यावेळी सांगितले.
