Pune News : पुणे : खवय्या पुणेकर… अशी पुणेकरांची ख्याती आहे. शहरातील खाद्यसंस्कृतीचा पुणेकरांना नेहमीच अभिमान वाटतो. आता वर्षानवर्षे पुणेकर खवय्यांची रूची जपणाऱ्या दोन पदार्थांवर जागतिक पातळीवर शिक्कामोर्तब झाले आहे. टेस्ट ॲटलास या जागतिक खाद्य मार्गदर्शकाने जाहीर केलेल्या क्रमवारीत चितळे बंधू मिठाईवाले आणि कॅम्पमधील कयानी बेकरी यांच्या मिठाईचा समावेश जगातील आघाडीच्या १५० मिठाई केंद्रांमध्ये करण्यात आला आहे.
चितळे बंधू आणि कयानी बेकरी यांचा जगातील आघाडीच्या १५० मिठाई केंद्रांमध्ये समावेश
जगातील आघाडीच्या १५० मिठाई केंद्रांची यादी टेस्ट ॲटलासने जाहीर केली आहे. या यादीत भारतातील दहा ठिकाणे असून, त्यात पुण्यातील कयानी बेकरी आणि चितळे बंधू मिठाईवाले यांचा समावेश आहे. कयानी बेकरी ही पुण्यातील कॅम्प भागातील सर्वात जुनी आणि सर्वात लोकप्रिय बेकरी आहे. (Pune News) कयानी बेकरी तिच्या अप्रतिम मावा केक, ब्रेड, केक आणि कुकीजसाठी ओळखली गेली. १९४७ मध्ये खोडायर आणि होर्मुझ कयानी इराण ते पुण्याला गेले. खोडायर कयानी, ज्यांनी ऑगस्ट १९५५ मध्ये बेकरीची स्थापना केली. कयानी बंधूंच्या पुढील पिढ्या आता हा व्यवसाय सांभाळत आहेत. तर रघुनाथ चितळे आणि नरसिंह चितळे या बंधूंनी १९५० मध्ये त्यांच्या व्यवसायाची मुहूर्तमेढ रोवली. त्यांचे पहिले दुकान बाजीराव रस्त्यावर सुरू झाले. आता तिसरी पिढी हा व्यवसाय सांभाळत आहे. केवळ देशातच नव्हे तर परदेशातही चितळेंची उत्पादने पोहोचली आहेत. बाकरवडी आणि विविध प्रकारच्या मिठाईसाठी चितळे बंधू ओळखले जातात.
देशातील आघाडीची मिठाई केंद्रे
मावा केक : कयानी बेकरी (पुणे)
रसगुल्ला: के.सी.दास (कोलकता)
रम बॉल्स : फ्लरीज (कोलकता)
फ्रूट बिस्कीट : कराची बेकरी (हैदराबाद)
संदेश : बलराम मलिक अँड राधारमण मलिक (कोलकता)
आईसक्रीम सँडविच : के. रुस्तम अँड कंपनी (मुंबई)
कुल्फी : कुरेमल्स कुल्फी (दिल्ली)
कुल्फी फालुदा : प्रकाश कुल्फी (लखनौ)
बाकरवडी : चितळे बंधू (पुणे)
जिलेबी : जलेबीवाला (दिल्ली)
अधिक बातम्या वाचण्यासाठी येथे क्लिक करा :
Pune News : लाडका बाप्पा आला अन् हाताला हंगामी रोजगार मिळाला
Pune News : माणुसकीला काळीमा! सख्ख्या मोठ्या भावाकडून लैंगिक अत्याचार; बहिणीने दिला बाळाला जन्म
