Pune News : कल्याणीनगरमध्ये हायप्रोफाईल सेक्स रॅकेटचा पर्दाफाश; एकाला अटक; परदेशी तरुणींची सुधारगृहात रवानगी…!

Pune News : पुणे : परदेशी तरुणींकडून वेश्या व्यवसाय करवून घेतला जात असल्याची माहिती मिळाल्यानंतर गुन्हे शाखेच्या सामाजिक सुरक्षा विभागाने हायप्रोफाईल सेक्स रॅकेटचा पर्दाफाश केला आहे. कल्याणीनगर येथील तारांकित हॉटेलमध्ये हा प्रकार उघडकीस आला आहे.

रॉयल ऑर्चिड गोल्डन सुट हॉटेलमध्ये सुरू होता वेश्याव्यवसाय

याप्रकरणी पोलिसांनी करण ऊर्फ रामू किशोर यादव (वय ३५, रा. स्काय लाईट सोसायटी, वाघोली) याला अटक केली आहे. (Pune News) याबाबत सामाजिक सुरक्षा विभागातील महिला अंमलदारांनी येरवडा पोलीस ठाण्यात फिर्याद दिली आहे. हा प्रकार कल्याणीनगर येथील रॉयल ऑर्चिड गोल्डन सुट या हॉटेलमध्ये सुरु होता.

याबाबत मिळालेल्या अधिक माहितीनुसार, पोलीस अंमलदार सागर केकाण आणि तुषार भिवरकर यांना कल्याणीनगरमध्ये हा प्रकार सुरू असल्याची माहिती मिळाली. त्यानंतर बनावट ग्राहक पाठवून पोलिसांनी याची खात्री करून घेतली. (Pune News) ग्राहकाने इशारा केल्यानंतर पोलिसांनी रॉयल ऑर्चिड गोल्डन सुट या हॉटेलवर छापा टाकून एका उझबेकिस्तानी तरुणीला पकडले. तेथेच करण यादव याला ताब्यात घेतले.

दरम्यान, ताब्यात घेतलेल्या करण यादव याच्याकडे चौकशी केल्यावर, रॉयल ऑर्चिड सेंटल या हॉटेलमध्येही एका उत्तर प्रदेशातील तरुणीकडून वेश्या व्यवसाय करवून घेतला जात असल्याचे समजले. तेथून एका तरुणीला ताब्यात घेतले. (Pune News) वेश्या व्यवसायातून मिळालेले २५ हजार रुपये पोलिसांनी जप्त केले असून, दोन तरुणींना महिला सुधारगृहात पाठविण्यात आले आहे.

गुन्हे शाखेचे अप्पर पोलीस आयुक्त रामनाथ पोकळे, पोलीस उपायुक्त अमोल झेंडे यांच्या मार्गदर्शनाखाली वरिष्ठ पोलीस निरीक्षक भरत जाधव, सहाय्यक पोलिस निरीक्षक अनिकेत पोटे, एपीआय राजेश माळेगावे, एपीआय अश्विनी पाटील, पोलीस हवालदार अजय राणे, राजेंद्र कुमावत, बाबा कर्पे, पोलीस अंमलदार सागर केकाण, तुषार भिवरकर, अमेय रसाळ, अमित जमदाडे, संदीप कोळगे, किशार भुजबळ, ओंकार कुंभार, इरफान पठाण आणि महिला पोलिस रेश्मा कंक यांच्या पथकाने ही कारवाई केली आहे.

या प्रकरणाचा अधिक तपास पोलीस निरीक्षक गायकवाड करीत आहेत.

अधिक बातम्या वाचण्यासाठी येथे क्लिक करा :

Pune News : बेकायदा सावकारीला कंटाळून एकाची गळफास घेऊन आत्महत्या

Pune News : अजित पवार गटाकडून पुण्यात जोरदार मोर्चेबांधणी; विरोधी गटाला रोखण्यासाठी रणनिती तयार!

Pune News : नारायणगाव बायपासजवळ शिवशाही बसला भीषण अपघात; १४ प्रवासी जखमी