Pune News : पुणे : भोसरी ते पुणे स्टेशन दरम्यानच्या पीएमपी बस प्रवासात तरुणीशी अश्लील कृत्य करून, तिची छेडछाड केली. एवढ्यावरच न थांबता बसमधून उतरल्यानंतरही तिचा पाठलाग करणाऱ्या रोड रोमियोला पोलिसांनी चांगलाच वठणीवर आणला.
बंडगार्डन पोलीसठाण्यात तक्रार दाखल
याबाबत मिळालेल्या माहितीनुसार, एका २० वर्षांच्या तरुणीने बंडगार्डन पोलीस ठाण्यात दिलेल्या फिर्यादीवरून, प्रभातकुमार तिवारी (वय २६, रा. कुरळी फाटा, चाकण) नावाच्या रोडरोमियोला अटक केली आहे. (Pune News) हा प्रकार भोसरी ते पुणे स्टेशन असा प्रवास करत असताना तसेच पुणे स्टेशन येथे संबंधित तरुणी उतरल्यानंतर सोमवारी सायंकाळी ४ ते ५ वाजण्याच्या सुमारास घडला.
याबाबत पोलिसांनी दिलेल्या माहितीनुसार, फिर्यादी तरुणी ही मैत्रिणीबरोबर भोसरी ते पुणे स्टेशन असा बस प्रवास करीत होती. (Pune News) याच बसमधून आरोपी प्रभातकुमार प्रवास करत होता. प्रवासादरम्यान तो फिर्यादी तरुणीच्या मागे उभा राहून जाणून बुजून तिला स्पर्श करत होता. हटकले तरी तो सातत्याने धक्का देत होता.
दरम्यान, पुणे स्टेशन येथे तरुणी बसमधून उतरल्यानंतर प्रभातकुमार पाठलाग करत होता. या प्रकारमुळे संतप्त झालेल्या तरुणीने पोलिसांकडे धाव घेऊन तक्रार केली. (Pune News) पोलिसांनी रोडरोमिओला तत्काळ अटक केली. या घटनेचा अधिक तपास पोलीस उपनिरीक्षक वाघमारे करीत आहेत.
