Pune News : वारजे (पुणे ) : वारजे रामनगर कॅनाॅल रस्त्यावर नागेश्वर महादेव मंदिर येथे रस्त्याच्या कडेला उभ्या असलेल्या एकूण 7 वाहनांवर लोखंडी कोयत्याने प्रहार करून काचा फोडून वाहनांचे नुकसान केल्याची धक्कादायक घटना समोर आली आहे. ही घटना वारजेतील रामनगर कॅनाॅल रस्त्यावर सोमवारी (ता. 19 जुन ) रोजी पहाटे चारच्या सुमारास घडली.

पोलीस गस्त वाढविण्याची मागणी

याबाबत स्थानिक गाडी मालकांनी पोलीस नियंत्रण कक्षाला कळवले आहे. घटनेची माहिती मिळताच घटनास्थळी वारजे माळवाडी पोलीस दाखल होत. माहीती घेण्याचे काम सुरू आहे.(Pune News ) काळ्या रंगाच्या अॅक्टीव्हा या दुचाकी वरून गेलेल्या अज्ञात 3 व्यक्तींनी हा प्रकार केला असावा अशी शक्यता नागरिकांतून वर्तविली आहे.

यामध्ये दोन आॅटो रिक्षा, एक महिंद्रा झायलो, एक इको कार, तसेच एका सफारी कार व दोन दुचाकींचा समावेश आहे. 2017 नंतर रामनगर परीसरात वाहनांची तोडफोड करण्याचा प्रकार थांबला होता. (Pune News ) परंतु दोन दिवसांपूर्वीच याच रामनगर परीसरात गोळीबार घडल्याची घटना ताजी असतानाच टवाळखोरांनी पुन्हा तोंड वर काढुन आज सामान्य नागरिकांच्या वाहनांच्या काचा फोडून नुकसान केले आहे. या घटनेमुळे परिसरात खळबळ उडाली असून नागरिक संतप्त झाले आहेत. यावर योग्य ती कारवाई करीत रामनगर परिसरात पोलीस गस्त वाढविण्याची मागणी नागरिकांनी केली आहे.