Pune News : पुणे : आजकाल छोट्या-मोठ्या कारणांवरून मारहाणीच्या घटना घडण्याच्या प्रमाणात वाढ झाली आहे. पुण्यात मुंढवा-कोरेगाव पार्क रोडवरील वॉटर्स, बार अँड किचन या हॉटेलमध्ये किरकोळ कारणावरून वाद अनावर झाल्याने टोळक्याने हॉटेलमधील सामानाची तोडफोड करून ग्राहकांना मारहाण केल्याचा धक्कादायक प्रकार उघडकीस आला आहे.
मुंढवा पोलीस ठाण्यात फिर्याद दाखल
याबाबत पोलिसांनी दिलेल्या माहितीनुसार, मुंढवा-कोरेगाव पार्क रोडवरील वॉटर्स, बार अँड किचन या हॉटेलमध्ये शनिवारी मध्यरात्री दीड वाजता हा प्रकार घडला.
हॉटेल बंद करण्याची वेळ झाल्याने कव्वालीच्या कार्यक्रमाचे म्युझिक बंद केले. या रागातून टोळक्याने हॉटेलमधील सामानाची तोडफोड करून ग्राहकांना मारहाण केली. (Pune News) याबाबत निखिल मेदनकर (वय ३२, रा. वाघोली) यांनी मुंढवा पोलीस ठाण्यात फिर्याद दिली आहे. त्यानुसार सुमित चौधरी, संकेत सावंत, प्रफुल्ल गोरे, अजय मोरे, फिरोज शेख, अण्णा भंडारी, निखिल वंजारी यांच्यावर गुन्हा दाखल करण्यात आला आहे.
हॉटेलमध्ये कव्वालीच्या गाण्यांचा कार्यक्रम आयोजित केला होता. मध्यरात्री दीड वाजल्याने हॉटेल बंद करण्याची वेळ आल्यामुळे हॉटेलचे मालक अमोल शिनलकर यांनी म्युझिक बंद केले. त्याचा राग आल्याने सुमित चौधरी याने कार्यक्रम सुरू ठेवा, असे ओरडून गोंधळ घालण्यास सुरुवात केली. (Pune News) इतर साथीदारांना बोलावून हॉटेलमधील सामानाची तोडफोड केले. हॉटेलमालक व त्यांच्या मावस भावाला शिवीगाळ करून धमकी दिली. एवढेच नव्हे तर हॉटेलचे बाउन्सर व गिऱ्हाईकांना देखील मारहाण केली.
या प्रकरणाचा अधिक तपास पोलीस निरीक्षक महानोर करीत आहेत.
अधिक बातम्या वाचण्यासाठी येथे क्लिक करा :
Pune News : ओला उबेर चालकाला बेदम मारहाण करून अपहरण; सांगली येथून सुटका; सहा जणांना अटक
Pune News : पुणे मेट्रो सुसाट; एकाच दिवशी ९६ हजार प्रवाशांनी राइड करून केला नवा विक्रम!
