पुणे : भाजप नेते चंद्रकांत पाटील यांच्या ताफ्यातील गाडीचा अपघात झाला आहे. पुण्यात सोमवारी रात्री हा अपघात झाला आहे. चंद्रकांत पाटील गणपतीच्या दर्शनासाठी आज पुण्यात होते. यावेळी एका मद्यपी वाहन चालकाने त्यांच्या ताफ्यातील वाहनाला धडक दिली आहे. यात चंद्रकांत पाटील थोडक्यात बचावले आहेत.
या अपघातामध्ये मोठ्या प्रमाणात गाडीचे नुकसान झाले आहे. चंद्रकांत पाटील थोडक्यात बचावल्यामुळे सुदैवाने कोणतीही मोठी हानी झाली नाही. चंद्रकांत पाटील सुखरुप आहेत. पुणे शहरात जाताना हा अपघात झाल्याची माहिती मिळत आहे.
पोलिसांनी या घटनेबाबत दिलेल्या माहितीनुसार, मद्यपी चालकाला ताब्यात घेण्यात आलं आहे. त्याची चौकशी सुरु असून पुढील कारवाई केली जात आहे. पुणे शहर परिसरात मोठ्या प्रमाणावर ड्रंक अँड ड्राईव्हच्या घटनांमध्ये वाढ झाली आहे.
