Pune News : पुणे : शहरात घरफोड्यांचे सत्र सुरुच असल्याचे दिसून येत आहे. शहराच्या विविध भागांत चार घरफोड्या झाल्याचा प्रकार समोर आला आहे. याप्रकरणी, स्थानिक पोलिस ठाण्यात अज्ञात चोरट्यांविरुद्ध गुन्हा दाखल केला आहे. (Burglary session continues in Pune city..)
शहराच्या विविध भागांत चार घरफोड्या
रोकड, सोन्याचे दागिने असा ऐवज चोरीस गेला आहे. सच्चाईमाता रोड, आंबेगाव रोड येथील भैरवनाथ चोरघे (वय 32) यांचे राहते घर आणि सृष्टी अपार्टमेंटमधील रूपाली पाटील यांच्या सदनिकेतून चोरट्यांनी सोन्याचा ऐवज व रोकड असा एक लाखाचा ऐवज चोरी केला.
या प्रकरणी, भारती विद्यापीठ पोलिसांनी अज्ञात चोरट्यांविरुद्ध घरफोडीचा गुन्हा दाखल केला आहे. (Pune News)तसेच जांभुळवाडी रोड येथील पूजा झोडगे (वय 27) यांच्या सदनिकेतून चोरट्यांनी 10 ग्रॅम वजनाचे सोन्याचे दागिने चोरी केले.
फिर्यादींच्या आईच्या सदनिकेतून चोरट्यांनी 2 लाख 16 हजार रुपयांचा ऐवज चोरी केला. तर दत्तात्रय ढमढेरे यांच्या सदनिकेतून 16 हजार रुपयांचा ऐवज चोरी केला.
एनआयबीएम रोड कोंढवा येथील सुप्रीम ग्रीन वुडस् सोसायटीतील एका सदनिकेतून 75 हजार रुपयांचा ऐवज चोरी केला. तीन सदनिकेत चोरीचा प्रयत्न केला. याप्रकरणी, नीरज सिन्हा (वय 65, रा. रक्षकनगर, खराडी) यांनी कोंढवा पोलिस ठाण्यात फिर्याद दिली आहे. (Pune News) त्यानुसार अज्ञात चोरट्यांच्या विरुद्ध घरफोडीचा गुन्हा दाखल करण्यात आला आहे. फिर्यादींची सून माहेरी गेली असताना, त्यांच्या सदनिकेचे कुलूप तोडून चोरट्यांनी आत प्रवेश केल्यानंतर 75 हजार रुपये किमतीच्या दागिन्यांची चोरी केली. तर याच सोसायटीतील तीन सदनिकांमध्ये चोरी करण्याचा प्रयत्न केला.
सिंहगड रोडवरील माणिकबाग परिसरातील सुंदर गार्डन सोसायटी आणि अमल अपार्टमेंटमधील दोन सदनिका फोडून चोरट्यांनी 2 लाख 32 हजारांचा ऐवज चोरी केला. या प्रकरणी, 47 वर्षीय महिलेने दिलेल्या फिर्यादीनुसार सिंहगड रोड पोलिसांनी घरफोडीचा गुन्हा दाखल केला आहे.10 ते 11 जूनच्या कालावधीत ही घटना घडली.
अधिक बातम्या वाचण्यासाठी येथे क्लिक करा :
Pune News : विद्यार्थ्यांनी दाखवलेला विश्वास हीच आमच्या यशाची खरी गुरुकिल्ली , ह.भ.प. खरमाळे महाराज
Pune News : श्रीमंत दगडूशेठ गणपती ट्रस्टतर्फे ९ हजार ७८१ वारकऱ्यांची नेत्र व आरोग्य तपासणी
