Pune News : पुणे : मामाच्या घरी शिक्षणासाठी आलेल्या अनाथ अल्पवयीन मुलीला धमकावून एकाने बलात्कार केल्याची धक्कादायक घटना समोर आली आहे. गेल्या पाच वर्षांपासून अल्पवयीन मुलीला धमकावून आरोपी बलात्कार करत असल्याचे उघडकीस आले आहे.
बलात्कार, बाललैंगिक अत्याचार विरोधी कायद्यान्वये गुन्हा दाखल
रघुनाथ बोरकर (वय ५१) असे अटक करण्यात आलेल्या आरोपीचे नाव आहे. (Pune News) याप्रकरणी एका तरुणीने वारजे पोलीस ठाण्यात फिर्याद दिली आहे. त्यानुसार बोरकरविरुद्ध बलात्कार, बाललैंगिक अत्याचार विरोधी कायद्यातील कलमांन्वये गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार युवती अनाथ आहे. ती अल्पवयीन होती. तेव्हा मामाच्या घरी शिक्षणासाठी आली होती. सप्टेंबर २०१८ ते जून २०२३ या कालावधीत बोरकरने तिला वेळोवेळी धमकावून बलात्कार केला.(Pune News) ती अनाथ असल्याचा फायदा घेऊन तिच्यावर बलात्कार केला. अखेर तिने बोरकरविरुद्ध पोलिसांकडे तक्रार दिली. पोलीस उपनिरीक्षक जाधव तपास करत आहेत.
अधिक बातम्या वाचण्यासाठी येथे क्लिक करा :
Pune News : बिनव्याजी कर्जाच्या बहाण्याने तिघांना गंडा घालणाऱ्या महिलेला ठोकल्या बेड्या
