अमित मुंडीक
पुणे: पेठ बिबवेवाडी हिल टॉप–हिल स्लोप परिसरातील (Pune News) अनधिकृत गोडाऊन (पत्रा शेड) वर आज, दिनांक 11 नोव्हेंबर 2025 रोजी, बांधकाम विकास विभाग झोन क्रमांक 5 मार्फत पोलिसांच्या सहाय्याने कारवाई करण्यात आली.
सदर ठिकाणी 27 नोटीस दिल्यानंतर झालेल्या या कारवाईदरम्यान सुमारे 64,250 चौ.फूट विनापरवाना अनधिकृत बांधकाम निष्कासित करण्यात आले. ही कारवाई पुणे महानगरपालिकेचे अधीक्षक अभियंता व बांधकाम विकास विभाग झोन क्रमांक 5 चे कार्यकारी अभियंता यांच्या मार्गदर्शनाखाली करण्यात आली.
कारवाईत उपअभियंता, कनिष्ठ अभियंता, सहाय्यक पोलिस निरीक्षक, तीन जेसीबी, एक गॅस कटर, 20 अतिक्रमण कर्मचारी तसेच एम.एस.एफ. दल यांच्या सहाय्याने ही मोहीम यशस्वीपणे पूर्ण करण्यात आली.
