Pune News : पुणे : किरकोळ कारणावरून झालेल्या वादातून, या भागातील आम्ही दादा आहोत, असे सांगत टोळक्याने एकावर कोयत्याने हल्ला चढविल्याची धक्कादायक घटना नुकतीच उघडकीला आली आहे. याप्रकरणी तरुणाला जीवे मारण्याचा प्रयत्न केल्याप्रकरणी चौघांविरुद्ध गुन्हा दाखल करण्यात आला.
येरवडा पोलीस ठाण्यात फिर्याद दाखल
याबाबत मिळालेल्या अधिक माहितीनुसार, येरवड्यात टोळक्याने कोयते उगारून दहशत माजविल्याची घटना घडल्यानंतर जय भडकुंभे (वय २२), ऋषभ भडकुंभे (वय २३), रोहन मोहिते (वय २१, सर्व रा. येरवडा) यांच्यासह एका महिलेविरुद्ध गुन्हा दाखल करण्यात आला आहे.
याबाबत अभिजीत किरण कुलकर्णी (वय २१, रा. यशवंतनगर, येरवडा) याने येरवडा पोलीस ठाण्यात फिर्याद दिली आहे. आरोपी आणि कुलकर्णी यांच्यात किरकोळ कारणावरून वाद झाला होता. (Pune News) कुलकर्णी येरवड्यातील नवी खडकी भागातून निघाला होता. त्यावेळी आरोपींनी त्याला गाठले. या भागातील आम्ही दादा आहोत, असे सांगून टोळक्याने त्याच्यावर कोयत्याने हल्ला चढविला.
कोयते उगारून परिसरात दहशत माजवून आरोपी पसार झाले. पोलीस उपनिरीक्षक शेलार या घटनेचा अधिक तपास करत आहेत.
अधिक बातम्या वाचण्यासाठी येथे क्लिक करा :
Pune News : आवक वाढल्याने टोमॅटो झाले स्वस्त; फळभाज्या, कांद्याच्या दरातही घट!
Pune News : राष्ट्रवादी अजित पवार गटाच्या पुणे शहर सरचिटणीसपदी डॉ. सुनीता मोरे
