पुणे : राज्यातील सर्वाधिक व्यस्त महामार्ग असणाऱ्या मुंबई-पुणे द्रुतगती महामार्गावरून प्रवास करणाऱ्यांसाठी महत्त्वाची बातमी आहे. जर तुम्ही एक्स्प्रेस-वेवरुन प्रवास करणार असाल तर ही बातमी तुमच्यासाठी आहे.
आज शनिवारी आणि उद्या रविवारी या मार्गावर गॅन्ट्री बसवण्याच्या कामासाठी दोन दिवस सकाळी 10.30 ते 12.30 या वेळेत या मार्गावरची वाहतूक ही बंद राहणार आहे. या काळात येथील वाहतूक ही वळवण्यात आली आहे, अशी माहिती महाराष्ट्र राज्य रस्ते विकास महामंडळाने (एमएसआरडीसी) दिली आहे.
पुणे मुंबई द्रुतगती मार्गाने मोठ्या प्रमाणात वाहतूक होते. त्यामुळे या अनुषंगाने वाहनचालकांनी प्रवासाचे नियोजन करावे, या कालावधी दरम्यान द्रुतगती मार्गावरील वाहनचालकांना अडचण असल्यास त्यांनी मुंबई-पुणे द्रुतगती मार्गाचा नियंत्रण कक्षाचा दुरध्वनी 98224982224 किंवा महामार्ग पोलीस विभागाच्या 9833498334 या क्रमांकावर संपर्क साधावा, असे महाराष्ट्र राज्य रस्ते विकास महामंडळाने कळविले आहे.
