पुणे विभागातील ‘या’ रेल्वे गाड्या रद्द; गुरुवारपर्यंत वेळापत्रकात झालेत बदल

पुणे : मध्य रेल्वेच्या पुणे विभागातील काही रेल्वे गाड्या रद्द करण्यात आल्या आहेत. गुरूवारपर्यंत या गाड्या रद्द करण्यात आल्या आहेत. पुणे-मिरज मार्गावर तारगाव-मसूर-शिरवडे या मार्गादरम्यान दुहेरीकरण, अभियांत्रिकी कामे, सिग्नलिंग दूरसंचार कामांसाठी गुरुवारपर्यंत काही रेल्वे गाड्यांची वाहतूक बंद ठेवण्‍यात आली आहे.

रद्द केलेल्या रेल्वे
20 आणि 21 फेब्रुवारी रोजीची गाडी क्रमांक 01024 कोल्हापूर- पुणे एक्स्प्रेस रद्द करण्यात आली आहे. गाडी क्रमांक 01023 पुणे-कोल्हापूर एक्स्प्रेस या दोन गाड्या रद्द करण्यात आल्या आहेत.

22 फेब्रुवारीला सुटणारी गाडी क्रमांक 11030 कोल्हापूर-मुंबई कोयना एक्स्प्रेस करण्यात आली आहे. गाडी क्रमांक 11029 मुंबई-कोल्हापूर कोयना एक्स्प्रेस या दोन्ही गाड्या रद्द केल्‍या आहेत.

23 फेब्रुवारी रोजी गाडी क्रमांक 01023 पुणे- कोल्हापूर एक्स्प्रेस रद्द करण्यात आली आहे.

बदल केलेल्या रेल्वे
21 फेब्रुवारी रोजी हजरत निजामुद्दीन येथून सुटणारी गाडी क्रमांक 12630 हजरत निजामुद्दीन- यशवंतपूर एक्स्प्रेस दौंड- कुर्डूवाडी- पंढरपूर- मिरज या मार्गाने धावेल.

21 फेब्रुवारी रोजी बंगळूरहून सुटणारी गाडी क्रमांक 16505 बंगळूर-जोधपूर एक्स्प्रेस मिरज- पंढरपूर- कुर्डूवाडी- दौंड-पुणे या वळवलेल्या मार्गावर धावेल. ही गाडी सांगली, कऱ्हाड, सातारा येथे येणार नाही.

17 व 18 फेब्रुवारी रोजी कोल्हापूरहून सुटणारी गाडी क्रमांक 11030 कोल्हापूर -मुंबई कोयना एक्स्प्रेस कोल्हापूर येथून नियमित सुटण्याची वेळ बदलली असून ती दोन तासाने धावणार आहे. गाडीच्या वेळेत बदल केला असून 08.15 ऐवजी 10.15 वाजता अर्थात दोन तास उशिराने सुटेल.

रेल्वेंचे शॉर्ट टर्मिनेशन
21 आणि 22 फेब्रुवारी रोजी सुटणारी डेमू क्रमांक 01542 कोल्हापूर- सातारा ही गाडी कऱ्हाडपर्यंतच धावेल. तर डेमू क्रमांक 01541 सातारा-कोल्हापूरचा प्रवास कऱ्हाडमधून कोल्‍हापूरकडे सुरू होईल. म्हणजेच ही गाडी सातारा- कऱ्हाडदरम्यान रद्द राहील.

21 आणि 22 फेब्रुवारीला सुटणारी गाडी क्रमांक 11425 पुणे-कोल्हापूर एक्स्प्रेसचा प्रवास सातारा येथे संपेल. गाडी क्रमांक 11426कोल्हापूर-पुणे एक्स्प्रेस सातारा येथून पुण्‍यासाठी सोडण्यात येईल. म्हणजेच ही गाडी कोल्हापूर-सातारा दरम्यान धावणार नाही.

21 फेब्रुवारी रोजी गोंदिया येथून सुटणारी गाडी क्रमांक 11040 गोंदिया-कोल्हापूर महाराष्ट्र एक्स्प्रेसचा प्रवास पुण्यात संपेल. तर 22 फेब्रुवारी रोजी कोल्हापूर येथून सुटणारी गाडी क्रमांक 11039 कोल्हापूर- गोंदिया महाराष्ट्र एक्स्प्रेस पुण्यातूनच सुटेल.