राहुलकुमार अवचट
(Yavat ) यवत : महात्मा ज्योतिबा फुले यांची जयंती जिजाऊ ब्रिगेडने मोठ्या उत्साहात साजरी केली. महात्मा ज्योतिबा फुले यांच्या प्रतिमेला पुष्पहार अर्पण करून मानवंदना दिली.
विद्यार्थ्यांनी महात्मा ज्योतिबा फुले व ज्ञानज्योती सावित्रीबाई फुले यांच्या सामाजिक क्रांतीच्या कार्याला उजाळा देताना मनोगत व्यक्त केले.
विद्यार्थ्यांना खाऊचे वाटप…!
यावेळी जिल्हा परिषदेच्या शाळेतील विद्यार्थ्यांना खाऊचे वाटप करण्यात आले. जिल्हा परिषद शाळेचे मुख्याध्यापिका रायकर, शिक्षक हुबे, शिंदे व विद्यार्थी उपस्थित होते.
बाजार मैदानात व्यापारी बांधवांसाठी व दशक्रिया विधीसाठी माहिती फलकाचे अनावरण विश्व वारकरी संघाचे दौंड तालुका अध्यक्ष ह.भ.प. सोनबाबापू कुदळे यांच्या हस्ते करण्यात आले. यावेळी संभाजी ब्रिगेडचे पुणे जिल्हा संघटक भरत भुजबळ, प्रवक्ते रसूल मुलानी, झोपडपट्टी सुरक्षा दलाचे दत्ता डाडर, राहुल गांधी विचार मंचाचे अरविंद दोरगे, मोहसीन तांबोळी, अल्ताफ शेख, आम आदमी पार्टीचे पोपट लकडे आणि ग्रामस्थ उपस्थित होते.
जिजाऊ ब्रिगेड तालुकाध्यक्ष सारिका भुजबळ, राजश्री दोरगे, रेखा शिरसागर, सोनाली काळे, नीता जाधव, आशा ताम्हाणे, सपना गांधी, पायल पवार, गौरी काळे, रोहिणी राऊत, स्वाती जगताप, निशा भुजबळ यांनी परिश्रम घेतले.
