उरुळी कांचन : उरुळी कांचन – जेजुरी रस्त्यावरील प्राईम (Uruli Kanchan News) प्लस हॉस्पिटल समोर दुचाकी व चारचाकी वाहनाची समोरासमोर जोरदार धडक होऊन झालेल्या अपघातात तिघेजण गंभीर जखमी झाल्याची घटना घडली आहे. शुक्रवारी (ता. 26) सायंकाळच्या सुमारास घडली. (Pune Accident)
मिळालेल्या प्राथमिक माहितीनुसार, उरुळी कांचन येथील रस्त्यावरून जेजुरीकडे जाण्यासाठी दुचाकीवरून जात असताना समोरून येणाऱ्या भरधाव चारचाकी वाहनाने दुचाकीला जोरदार धडक दिली. या धडकेत दुचाकीवरील दोन जणांसह चारचाकीतील एकजण गंभीर जखमी झाला.
अपघाताची माहिती मिळताच स्थानिक नागरिकांनी तात्काळ घटनास्थळी धाव घेऊन जखमींना मदत केली. जखमींवर प्राईम प्लस रुग्णालयात उपचार सुरू आहेत.
या घटनेची माहिती उरुळी कांचन पोलीस ठाण्याला देण्यात आली असून घटनास्थळी पोलीस दाखल झाले आहेत. अपघाताचे नेमके कारण अद्याप अस्पष्ट असून पुढील कार्यवाही सुरू आहे.
