Mumbai : राज्यातील 29 महानगरपालिका निवडणुकांसाठी 15 जानेवारी 2026 रोजी मतदान होणार असून 16 जानेवारीला निकाल लागणार आहे. निवडणुकीला आता अवघे काही दिवस उरले असताना सरकारी कर्मचाऱ्यांसाठी एक कडक आदेश जारी करण्यात आला आहे. हा आदेश न पाळल्यास थेट फौजदारी कारवाई होऊ शकते. (mumbai)
आदेश नेमका काय आहे?
महानगरपालिका निवडणूक पारदर्शक आणि सुरळीत पार पडावी यासाठी निवडणूक कामात सहभागी असलेल्या सर्व अधिकारी व कर्मचाऱ्यांना प्रशिक्षण देणे बंधनकारक करण्यात आले आहे.
हे प्रशिक्षण सोमवार, 29 डिसेंबर 2025 ते सोमवार, 5 जानेवारी 2026 या कालावधीत होणार आहे.
प्रशिक्षणाची तारीख, वेळ आणि ठिकाण संबंधित कर्मचाऱ्यांना स्वतंत्रपणे कळवण्यात आले आहे.
प्रशिक्षणाला गैरहजर राहिलात तर?
- प्रशिक्षणाला अनुपस्थित राहणे चालणार नाही
- कोणतेही कारण मान्य केले जाणार नाही
- गैरहजर राहिल्यास किंवा आदेश न पाळल्यास
राज्य निवडणूक आयोगाच्या निर्देशानुसार फौजदारी कारवाई शिस्तभंगाची कारवाई केली जाईल - ही कारवाई मुंबई महानगरपालिका अधिनियम 1888, कलम 28(क) अंतर्गत होणार आहे.
कोणासाठी हे प्रशिक्षण?
-
मतदान केंद्राध्यक्ष (PRO)
-
सहायक मतदान केंद्राध्यक्ष (APRO)
-
मतदान अधिकारी (PO)
-
निवडणूक कामात नेमलेले इतर कर्मचारी
प्रशिक्षणात काय शिकवले जाणार?
-
निवडणूक प्रक्रियेतील जबाबदाऱ्या
-
आचारसंहिता
-
मतदान आणि मतमोजणी प्रक्रिया
-
कायदेशीर बाबी
-
आपत्कालीन परिस्थितीत काय करायचं
या प्रशिक्षणाचा उद्देश म्हणजे कोणतीही चूक, गोंधळ किंवा गैरप्रकार टाळणे आणि निवडणूक पूर्णपणे विश्वासार्ह ठेवणे.
प्रशासनाचं स्पष्ट आवाहन
महानगरपालिका प्रशासनाने सर्व कर्मचाऱ्यांना सांगितले आहे की, हा विषय अत्यंत गंभीर आहे. सर्वांनी प्रशिक्षणाला हजर राहावे
आणि प्रामाणिकपणे आपली जबाबदारी पार पाडावी
