Uruli Kanchan News : पूर्व हवेलीतील नामांकित व कायम चर्चेत असलेल्या कोरेगाव मूळ (Koregaon Mul Sarpanch Election) (ता. हवेली) ग्रामपंचायतीच्या सरपंचपदी राधिका संतोष काकडे यांची 6 विरुद्ध 5 मतांनी बुधवारी (ता. 04) निवड झाली आहे. राधिका संतोष काकडे यांचा अवघ्या एका मताने विजय झाला आहे.
कोरेगाव मूळचे मावळते सरपंच बापूसाहेब बोधे यांनी मुदत संपल्याने ठरल्याप्रमाणे कांही दिवसापुर्वी आपल्या सरपंचपदाचा राजीनामा दिला होता. त्या पार्श्वभूमीवर या सरपंचपदाच्या निवडीकडे ग्रामस्थांचे लक्ष लागून होते.
बुधवारी ग्रामपंचायत कार्यालयात गोरख कानकाटे यांच्या गटाकडून राधिका काकडे तर माजी सरपंच विठ्ठल शितोळे यांच्या गटाकडून वैशाली सावंत-इनामदार यांनी सरपंच पदासाठी उमेदवारी अर्ज दाखल केले होते. सरपंचपदासाठी राधिका संतोष काकडे व वैशाली सावंत इनामदार या दोघींचे उमेदवारी अर्ज दाखल झाल्याने, निवडणूक निर्णय अधिकारी उरुळी कांचनच्या मंडलाधिकारी माधुरी बागले यांच्या अध्यक्षतेखाली सरपंच पदाची निवडणूक घेण्यात आली.
या निवडणुकीत यामध्ये प्रत्यक्ष झालेल्या निवडणुकीत राधिका काकडे यांना सहा तर वैशाली सावंत इनामदार यांना 5 मते पडली. यामुळे राधिका काकडे यांची सरपंचपदी एका मताने निवड झाल्याची घोषणा निवडणूक निर्णय अधिकारी माधुरी बागले यांनी केली.
दरम्यान, सरपंचपदी राधिका काकडे यांची निवड होताच कार्यकर्त्यांनी गुलाल व फटाक्यांच्या आतिषबाजी करीत मोठा जल्लोष केला. यावेळी तलाठी प्रियांका सुंदरडे व कोरेगाव मूळ ग्रामपंचायतीच्या ग्रामपंचायत अधिकारी स्वाती राजगुरू यांनी निवडणुकीचे कामकाज पाहिले. मागच्या वेळेस विठ्ठल शितोळे यांच्या पॅनलला दोनच मते पडली होती आत्ता पाच पडली. पाच मते पडल्याने माजी सरपंच व पॅनलप्रमुख विठ्ठल शितोळे यांची चर्चा या निवडणुकीनंतर सुरु झाली होती.
यावेळी उपसरपंच पल्लवी नाझिरकर, दत्तात्रय काकडे, विठ्ठल शितोळे, लिलावती बोधे, मंगेश कानकाटे, भानुदास जेधे, मनीषा कड, अश्विनी कड, सामाजिक कार्यकर्ते आप्पासाहेब कड, मानसिंग कड, ताराचंद कोलते, चिंतामणी कड, अमित सावंत, संतोष काकडे, सुरेश काकडे, आप्पा शिंदे, राजेंद्र शिंदे, दिलीप शितोळे, संतोष गायकवाड, नंदकिशोर कड, जयसिंग भोसले, कचरू कड, नितीन कड, प्रवीण शितोळे, गणेश शितोळे, संतोष शितोळे, अजिंक्य कड, सुरज बोधे, वैभव काकडे, आकाश बोधे, तेजस बोधे, राजाराम भंडारे समस्त ग्रामस्थ व ग्रामपंचायत कर्मचारी मोठ्या संख्येने उपस्थित होते.
