बापू मुळीक
पुरंदर : चांबळी( ता. पुरंदर) या ठिकाणी शेतकरी कट्टा या हॉटेल समोर एका मोटार सायकलने भरधाव वेगाने समोरून येणाऱ्या मोटार सायकलला जोरदार धडक दिली. यामध्ये मोटार सायकलवरील एकाचा मृत्यू झाला आहे. तर दोन जण जखमी झाले. ही घटना सोमवारी रात्री साडेसात वाजता घडली. मोहन कामठे असे मृताचे तर अनिकेत शंकर तरट व रोहित विजय भोसले राहणार विठ्ठलवाडी (ता. फलटण, जिल्हा सातारा) अशी जखमींची नावे आहेत .
मिळालेल्या माहितीनुसार, शेतकरी कट्टा हॉटेल समोर सासवड कडून येणारी मोटार सायकल एम.एच ११ डीएफ 96 45 भरधाव वेगाने जात होती. त्यावेळी चांबळी गावाकडे निघालेले मोहन तुकाराम कामठे (वय 60 )राहणार चांबळी (ता. पुरंदर) यांची मोटरसायकल यांच्यामध्ये समोरासमोर धडक झाली.
यात ते गंभीर जखमी झाले. त्यांना तातडीने सासवड या ठिकाणी खाजगी रुग्णालयात दाखल करण्यात आले. परंतु, रुग्णालयात उपचारावेळी मोहन कामठे यांचा मृत्यू झाला. मोटरसायकल वरील अनिकेत व रोहित या दोघांना गंभीर जखमी असल्यामुळे पुणे येथील खाजगी रुग्णालयात दाखल करण्यात आले. याबाबत सासवड पोलीस स्टेशनला नोंद करण्याचे रात्री उशिरापर्यंत काम चालू होते. अशी माहिती सासवड पोलीस स्टेशनकडून देण्यात आले.
