अक्षय टेमगिरे
रांजणगाव गणपती : दि.30 शिरूर येथील स्टेट बॅक कॉलनी घरासमोर पार्क केलेली ६ लाख रुपये किमंतीची हुंडाई क्रेटा गाडी अज्ञात चोरट्यांने चोरुन नेली आहे. त्यामुळे शहरात नागरिकांमध्ये भीतीचे वातावरण निर्माण झाले आहे.
पोलिसाचीच चारचाकी गाडी चोरीला..
शिरुर शहरातील बाबुरावनगर येथून दि. २५ ऑगस्ट रोजी पोलीस कर्मचारी योगेश आनंदा गुंड यांची मारुती सुझुकी कंपनीची ईरटीका हि चारचाकी गाडी अज्ञात चोरट्यांनी चोरुन नेली आहे. त्यामुळे जर पोलिसांच्याच गाड्या सुरक्षित नसतील तर सर्वसामान्य नागरिकांचे काय…? असा सवाल आता शिरुर शहरातील नागरीक उपस्थित करत आहेत
याबाबत पोलीसांनी दिलेल्या माहितीनुसार रोहित पोपट कुरंदळे वय 30 वर्ष रा. स्टेट बँक कॉलनी शिरूर ता. शिरूर जि. पुणे यांनी फिर्याद दिली आहे. रोहित कुरुंदळे यांनी दिनांक २८ ऑगस्ट रोजी मध्यरात्री 11.30 ते दि. 29 ऑगस्ट रोजी सकाळी 07.30 वाजताच्या दरम्यान स्टेट बॅक कॉलनी येथील घरासमोर रोडवर पार्क केलेल्या ठिकाणवरून सहा लाख रूपये किंमतीची पांढऱ्या रंगाची हुंडाई क्रेटा, 2015 मॉडेल 1.6 पीआरडीआय, नंबर एम. एच – 12 एम . एल. 3700 ही गाडी अज्ञात चोरट्याने चोरुन नेली आहे. अज्ञात चोरट्या विरुध्द गुन्हा दाखल करण्यात आला असून. या प्रकरणाचा आधिक तपास पोलीस निरीक्षक जोतीराम गुंजवटे यांच्या मार्गदर्शनाखाली पोलीस नाईक टेंगले करीत आहेत.
