पुणे, ता. 20 : पुण्यातील दि पूना डिस्ट्रिक्ट पोलीस को-ऑप. क्रेडिट सोसायटी लिमिटेड या संस्थेला सन 2024-25 चा “राज्यस्तरीय दीपस्तंभ पुरस्कार” प्रदान करून नुकतेच गौरविण्यात आले आहे. त्यामुळे या संस्थेचे सर्वत्र कौतुक होत आहे.
महाराष्ट्र राज्य सहकारी पतसंस्था फेडरेशन यांच्या वतीने आंतरराष्ट्रीय सहकार वर्षानिमित्त दरवर्षी “राज्यस्तरीय दीपस्तंभ पुरस्कार देण्यात येतो. यावर्षी हा पुरस्कार वितरण सोहळा गोकर्ण महाबळेश्वर (कर्नाटक) येथे 12 ऑक्टोबरला पार पडला. पुरस्कार सोहळ्यामध्ये महाराष्ट्रातील सर्व जिल्ह्यातील संस्थानी सहभाग घेतलेला होता. या सोहळ्यात उल्लेखनीय कामगिरी केल्याबद्दल दि पूना डिस्ट्रिक्ट पोलीस को-ऑप. क्रेडिट सोसायटी लिमिटेड या संस्थेला पुरस्कार प्रदान करण्यात आला. हा पुरस्कार खासदार प्रभाकर कोरे यांच्याहस्ते देण्यात आला. तर संस्थेच्या वतीने संस्थेचे अध्यक्ष उदय काळभोर व संचालक मंडळांनी स्वीकारला.
यावेळी चिखलीचे माजी आमदार राहुल बोंद्रे, दि पूना डिस्ट्रिक्ट पोलीस को-ऑप. क्रेडिट सोसायटीचे माजी अध्यक्ष तथा विद्यमान संचालक सागर घोरपडे, कर्नाटक सहकारी पतसंस्था फेडरेशनचे संचालक डॉ संजय होसमठ, महाराष्ट्र राज्य सहकारी पतसंस्था फेडरेशन अध्यक्ष काकसो कोयटे, कर्नाटक राज्य सहकारी पतसंस्था फेडरेशनचे अध्यक्ष चंद्रशेखर सी.एस, अण्णासाहेब जोले आदी मान्यवर उपस्थिती होते.
दि पूना डिस्ट्रिक्ट पोलीस को-ऑप. क्रेडिट या संस्थेचे सन 2024-25 या आर्थिक वर्षात संस्थेचे मुदत ठेव, कर्ज वितरण तसेच भागभांडवलामध्ये लक्षणीय वाढ झाली आहे. त्याचप्रमाणे संस्थेचे 100% डिजिटलायझेशन करुन सर्व आर्थिक व्यवहार आणि सभासदांना तत्पर सुविधा प्रदान करण्यात अग्रेसर ठरली आहे. संस्थेच्या या उत्कृष्ट व उल्लेखनीय कार्यासाठी महाराष्ट्र राज्य सहकारी पतसंस्था फेडरेशन यांच्या वतीने “राज्यस्तरीय दीपस्तंभ पुरस्कार 2024-25” प्रथम क्रमांकाचा पुरस्कार देवून गौरविण्यात आले आहे.
दरम्यान, दि पूना डिस्ट्रिक्ट पोलीस को-ऑप. क्रेडिट सोसायटी लिमिटेड या संस्थेची स्थापना स्वातंत्र्यपूर्व काळात 20 जून 1920 साली करण्यात आली आहे. या संस्थेला नुकातेच 105 वर्ष पूर्ण झालेली आहेत. संस्थेत सुमारे 15 हजार पोलीस अधिकारी व अंमलदार सभासद आहेत. संस्थेचे भागभांडवल रुपये 410.11 कोटी रुपये आहे.
