दौंड: दौंड शहरातील भीमा नदीच्या काठावर बेकायदा जुगार खेळणाऱ्या पाच जणांवर दौंड पोलिसांनी कारवाई केली. या कारवाईत रोख 3 हजार 590 रुपये आणि 150 रुपये किमतीची 52 पत्त्यांची पाने, असा एकूण 3 हजार 740 रुपयांचा मुद्देमाल जप्त करण्यात आला. ही घटना सोमवार (ता. 28) रोजी सायंकाळी साडेपाच वाजण्याच्या सुमारास घडली.
सुरज चंद्रकांत जाधव (वय-30, रा. भीमनगर दौंड ता. दौंड), संतोष मताजी धनाले (वय 39, रा. कुरकुंभ मोरी दौंड ता. दौंड) अजय सुरेश वर्पे (वय 46, रा. भीमनगर दौंड ता. दौंड), राजू हनुमंत कांबळे (वय 44 रा. रमापती नगर दौंड तालुका दौंड) रोहित भिमराव कांबळे (वय 27, रा. क्रांती मैदान दौंड) अशी गुन्हा दाखल करण्यात आलेल्या पाच जणांची नावे आहेत. याबाबत दौंड पोलीस ठाण्यातील पोलीस शिपाई सोमनाथ बाप्पू चौंडे यांनी फिर्याद दिली आहे.
पोलिसांनी दिलेल्या माहितीनुसार, भीमा नदीच्या काठावर हे पाच जण विनापरवाना तीन पानी जुगार खेळत असल्याचे आढळून आले. पोलिसांनी घटनास्थळावरून रोख रक्कम आणि पत्त्यांची पाने जप्त केली. पोलीस उपनिरीक्षक भाऊसाहेब लोकरे यांनी पंचांसमक्ष मुद्देमाल जप्त करून ताब्यात घेतला.
या प्रकरणी पोलीस शिपाई सोमनाथ चौंडे यांनी दिलेल्या फिर्यादीवरून महाराष्ट्र जुगार अधिनियम कलम १२ (अ) अन्वये पाच जणांविरुद्ध दौंड पोलीस ठाण्यात गुन्हा दाखल करण्यात आला आहे. पुढील तपास पोलीस हवालदार घाडगे करीत आहेत.
