शिक्रापूर: खाकी वर्दीचं (Shikrapur News) स्वप्न डोळ्यांत साठवून साताऱ्यातून पुण्यात आलेल्या एका २२ वर्षीय तरुणाने टोकाचे पाऊल उचलल्याची हृदयद्रावक घटना शिक्रापूर येथे घडली आहे. विरू संजय काळे (वय २२, रा. सातारा) असे या तरुणाचे नाव असून, पोलीस भरतीची परीक्षा देण्यासाठी तो आपल्या मित्रांसोबत येथे आला होता. दरम्यान, तरुणाने जीवन संपवल्याने अनेकांना धक्का बसला आहे.
मिळालेल्या माहितीनुसार, विरू काळे हा मित्रांसोबत शिक्रापूर येथे खोलीवर दोन दिवसापासून वास्तव्यास होता. पोलीस भरतीची तयारी आणि शारीरिक चाचणीच्या धावपळीत हे युवक गेल्या दोन दिवसांपासून व्यस्त होते. मंगळवारी सायंकाळी जेव्हा मित्र बाहेर गेले होते आणि विरू खोलीत एकटाच होता, तेव्हा त्याने गळफास घेऊन आपली जीवनयात्रा संपवली. मित्रांनी खोलीत परतल्यावर विरूला गळफास घेऊन लटकलेल्या अवस्थेत पहिले असताआणि तातडीने त्याला रुग्णालयात हलवले, मात्र दुर्दैवाने उपचारापूर्वीच त्याचा मृत्यू झाला होता.
विरूच्या या निर्णयामागे नेमके काय कारण होते, याचा शोध आता शिक्रापूर पोलीस घेत असून अधिक तपास सुरु आहे.
