योगेश पडवळ
पाबळ : केंदूर ता. शिरूर येथील शेतकरी राजाराम जयवंत थिटे यांची कन्या स्नेहल राजाराम थिटे हिची महाराष्ट्र शासनाच्या वनविभागाच्या वतीने घेण्यात आलेल्या सरळ सेवा भरती प्रक्रिया (२०२४) मध्ये ठाणे जिल्ह्यात वनरक्षकपदी निवड झाली. ध्येय गाठण्यासाठी तिने सुरुवातीपासूनच आपार कष्ट घेतले.
तिचे पहिली ते चौथी पर्यंतचे शिक्षण जिल्हा परिषद प्राथमिक शाळा थिटेवाडी, तर पाचवी ते बारावीचे शिक्षण भैरवनाथ विद्यामंदिर माध्यमिक व उच्च माध्यमिक विद्यालय पाबळ या ठिकाणी झाले. स्नेहल सध्या वाणिज्य शाखेच्या तृतीय वर्षाचा अभ्यासक्रम पद्ममणी जैन कला व वाणिज्य महाविद्यालय पाबळ येथे पूर्ण करत आहे.
ग्रामीण भागात राहूनही गेली दोन वर्ष अनेक समस्यावर मात करून तिने यश संपादन केले आहे. तिच्या या यशाबद्दल पद्ममणी जैन कला व वाणिज्य महाविद्यालयाचे प्राचार्य डॉ. संजय घोडेकर, भैरवनाथ विद्यामंदिर माध्यमिक व उच्च माध्यमिक विद्यालयाचे प्राचार्य अविनाश क्षीरसागर, उपप्राचार्य सुदाम पिंगळे, पर्यवेक्षक तुकाराम ताम्हाणे, तसेच जिल्हा परिषद प्राथमिक शाळा थिटेवाडीचे मुख्याध्यापक मंगेश गावडे यांनी अभिनंदन केले.
