सासवड, (पुणे) : सासवड पोलिसांनी ‘गंगामाता वाहन शोध संस्थेच्या’ मदतीने पोलीस ठाण्याच्या आवारात अनेक वर्षांपासून धूळ खात पडलेल्या तब्बल 65 बेवारस वाहनांच्या मूळ मालकांचा शोध घेण्यास यश मिळवले आहे. संबंधित वाहन मालकांनी येत्या आठ दिवसांच्या आत आपल्या वाहनांची मूळ कागदपत्रे दाखवून गाड्या ताब्यात घ्याव्यात, असे आवाहन सासवड पोलीस ठाण्याचे वरिष्ठ पोलीस निरीक्षक संतोष घोळवे यांनी केले आहे.
वरिष्ठ पोलीस निरीक्षक संतोष घोळवे यांनी दिलेल्या माहितीनुसार, “सासवड पोलीस ठाण्याच्या आवारात अनेक वर्षांपासून 65 वाहने बेवारस आणि जप्त रेकॉर्डवरील म्हणून धूळ खात पडलेली होती. ही वाहने ऊन, वारा आणि पाऊस यामुळे गंजून गेली असून त्यांची मोठी झीज झाली होती. अनेक वाहनांचे रजिस्ट्रेशन नंबर, चेसीस नंबर आणि इंजिन नंबर गंजल्यामुळे ते वाचणे कडक अवघड झाले होते.या वाहनांमुळे पोलीस ठाण्याच्या आवारात घाण आणि दुर्गंधी पसरून पोलिसांच्या आरोग्याला धोका निर्माण होण्याची शक्यता निर्माण झाली होती.
या पार्श्वभूमीवर वरिष्ठांनी दिलेल्या आदेशानुसार या बेवारस वाहनांचा शोध घेऊन ती मूळ मालकांच्या कडक ताब्यात देण्याचे आदेश दिले होते. त्यानुसार सासवडचे पोलीस निरीक्षक संतोष घोळवे यांच्या मार्गदर्शनाखाली सहायक पोलीस निरीक्षक वैभव सोनवणे, पोलीस उपनिरीक्षक श्रीराम पालवे, पोलीस उपनिरीक्षक अर्चना पाटील, पोलीस उपनिरीक्षक परमेश्वर गोडसे आणि मुद्देमाल कारकून पोलीस हवादार नंदकुमार फडतरे यांचे एक पथक नेमण्यात आले.
या पथकाने परंदवाडी, तळेगाव दाभाडे (ता. मावळ, जि. पुणे) येथील महाराष्ट्रात अग्रेसर असलेल्या ‘गंगामाता वाहन शोध संस्थेचे’ अध्यक्ष श्री. राम उदावंत व उपाध्यक्ष बाबासाहेब बागडे यांची माहिती काढून त्यांची मदत घेतली. राम उदावंत यांनी सासवड पोलीस ठाण्यात येऊन सर्व 65 वाहनांची पाहणी केली. गंजलेल्या गाड्यांचे चेसीस नंबर आणि इंजिन नंबर क्रमांकावरून वाहनांच्या मूळ मालकांचा शोध घेण्यासाठी प्रादेशिक परिवहन विभाग (RTO) पुणे व पिंपरी चिंचवड येथे पत्रव्यवहार करण्यात आला आणि अखेर या सर्व 65 वाहनांच्या मूळ मालकांचा पत्ता शोधून काढण्यात आला.
‘गंगामाता वाहन शोध संस्थेच्या’ मदतीने आता या सर्व वाहन मालकांना सासवड पोलिसांकडून पत्रे पाठवण्यात येत आहेत. पत्र मिळताच संबंधित वाहन मालकांनी सासवड पोलीस ठाण्यात येऊन वाहनाची खात्री करावी आणि मूळ कागदपत्रे दाखवून कडक कायदेशीर प्रक्रिया पूर्ण करून आठ दिवसांच्या आत आपली वाहने घेऊन जावीत.
दरम्यान, “संबंधित मालकांनी दिलेल्या मुदतीत आपली वाहने घेऊन न गेल्यास, सासवड पोलिसांकडून या सर्व वाहनांची कायदेशीर प्रक्रिया पूर्ण करून जाहीर लिलाव केला जाईल. या लिलावातून आलेली सर्व कडक रक्कम शासकीय तिजोरीत भरण्यात येईल!” असा इशारा पोलीस निरीक्षक संतोष घोळवे यांनी दिला आहे.”
