Pune News: पिंपरी-चिंचवड: गणेशोत्सवाच्या (Ganeshotsav) पार्श्वभूमीवर घालून दिलेल्या नियमांचे उल्लंघन केल्याप्रकरणी पिंपरी-चिंचवड पोलिसांनी दाखल केलेल्या खटल्यात पुण्यातील न्यायालयाने एका सार्वजनिक गणेश मंडळावर कारवाईचा निर्णय दिला आहे. न्यायालयाने मंडळाला ₹1,000 दंड आणि 2 दिवसांच्या साध्या कारावासाची शिक्षा सुनावली आहे. Pune News
हेही वाचा- नव्या हद्दीत करमाफी, पण जुन्या ‘धायरी’करांना तिप्पट कराचा बोजा; पुणेकरांमध्ये संताप
ही घटना पिंपळे गुरव परिसरातील भैरवनाथ मित्र मंडळाची असून, ऑगस्ट-सेप्टेंबर महिन्यात गणेशोत्सवादरम्यान या मंडळाने पोलिसांची परवानगी न घेता सार्वजनिक रस्त्यावर मिरवणूक काढल्याचे निष्पन्न झाले. अचानक काढलेल्या मिरवणुकीमुळे परिसरात मोठी वाहतूक कोंडी झाली आणि नागरिकांना त्रास सहन करावा लागला. त्यामुळे पुणे पोलिसांना त्यांच्यावर गुन्हा दाखल करावा लागला.
या प्रकरणी मंडळाचे प्रमुख गोपी पंढरीनाथ लोखंडे (वय 34, पिंपळे गुरव) यांच्याविरुद्ध सांगवी पोलीस ठाण्यात BNS कलम 223 (सरकारी सेवकाच्या आदेशाचे उल्लंघन) अंतर्गत गुन्हा नोंदवण्यात आला होता. खटल्याची सुनावणी पूर्ण झाल्यानंतर 19 नोव्हेंबर 2025 रोजी न्यायालयाने आपला निकाल जाहिर केला. या निर्णयामुळे गणेशमंडळातील भक्तांनी नाराजी व्यक्त केली.
लोखंडे हे परवानगीशिवाय मिरवणूक काढणे, बंदी असलेल्या लेझर लाईटचा वापर आणि मोठ्या आवाजाच्या साऊंड सिस्टीमचा उपयोग केल्याबद्दल दोषी ठरले. या निर्णयामुळे उत्सव काळात नियम पाळण्याबाबत पोलिसांचा इशारा अधिकच स्पष्ट झाल्याचे मानले जात आहे.
