Pune News: पुणे: पुण्यात यकृत प्रत्यारोपणानंतर (Liver Transplant ) एका दाम्पत्याच्या मृत्यू झाला होता. हे प्रकरण थेट आरोग्य विभागाच्या उच्चस्तरीय समितीकडे गेले. या संदर्भात मोठी अपडेट समोर आली आहे. या समितीकडून अखेर क्लीन चिट आले आहे. समितीने आपल्या अहवालात स्पष्ट केले आहे की यकृत दाता आणि प्रत्यारोपित रुग्णाच्या उपचारामध्ये कोणतीही वैद्यकीय चूक किंवा निष्काळजीपणा झाला नाही. त्यामुळे सार्वजनिक आरोग्य विभागाने सह्याद्री रुग्णालयातील लिव्हर ट्रान्पॅल्ट शस्त्रक्रियांवरील स्थगिती 27 नोव्हेंबर पासून हटवण्याचे आदेश दिले आहेत. Pune News
हेही वाचा- लोणी काळभोर येथील ‘त्या’ अपघाताप्रकरणी एसटी चालकावर गुन्हा दाखल
मिळालेल्या माहितीनुसार, 15 ऑगस्ट रोजी दोघांवर शस्त्रक्रिया करण्यात आली. 17 ऑगस्ट रोजी पती बापू कोमकर यांचे निधन झाले, तर 21 ऑगस्ट रोजी पत्नी कामिनी कोमकर यांचे संसर्गामुळे निधन झाले. या घटनेनंतर कुटुंबियांनी रुग्णालयातील निष्काळीपणावर बोट उचलले. त्यानंतर आरोग्य विभागाने या प्रकरणाची सखोल चौकशी करण्यासाठी 8 सदस्यीय उच्चस्तरीय समिती स्थापन केली.
यकृत प्रत्यारोपण तज्ज्ञ डॉ. मोहम्मद रेला यांच्या अध्यक्षतेखालील समितीने गेल्या महिन्यात अहवाल सादर केला. त्यानंतर 6 नोव्हेंबर रोजी आरोग्य सचिवांच्या अध्यक्षतेखालील 18 सदस्यीय राज्य सल्लागार समितीची बैठक झाली आणि अहवालातील निष्कर्षांचा आढावा घेण्यात आला.
आरोग्य विभागातील एका अधिकाऱ्याने सांगितले की, “समितीच्या चौकशी अहवालात रुग्णालयाकडून उपचारात कोणतीही त्रुटी आढळून आली नाही. त्यामुळे लिव्हर ट्रान्पॅट प्रक्रियेवरील स्थगिती हटवण्याचा निर्णय घेण्यात आला आहे. या निर्णयामुळे सह्याद्री रुग्णालयातील प्रत्यारोपण प्रक्रियेवरील अनिश्चितता दूर झाली असून रुग्णालयाला मोठा दिलासा मिळाला आहे.
