पुणे: कोथरूड गोळीबार प्रकरणातील मुख्य आरोपी आणि कुख्यात गुंड नीलेश घायवळ (Nilesh Ghaiwal) पुन्हा एकदा चर्चेत आला आहे. पुणे पोलिसांनी त्याच्या कोथरूड येथील घरावर धाड टाकली असता, तिथे भारतीय लष्कराच्या वापरातील ‘अॅम्युनिशन बॉक्स’ सापडल्याने मोठी खळबळ उडाली आहे.
या लाकडी बॉक्सवर ‘2017’ आणि ‘5.56 MM’ असा उल्लेख असून, त्यात सुमारे 300 काडतुसे ठेवण्याची क्षमता असल्याचे पोलिस सूत्रांनी सांगितले. तपासादरम्यान पोलिसांना घरात 2 जिवंत काडतुसे आणि 4 रिकाम्या पुंगळ्याही मिळाल्या आहेत. या प्रकरणी कोथरूड पोलीस ठाण्यात आणखी एक गुन्हा दाखल करण्यात आला आहे.
या दारूगोळ्याच्या बॉक्स नीलेश घायवळ कसा आला ते सध्या पोलिसांसमोर मोठे कोडे आहे. तपासात समोर आलेल्या माहितीनुसार, हा बॉक्स खडकी येथील दारूगोळा कारखान्यातून बाहेर गेला असण्याची शक्यता व्यक्त केली जात आहे. याबाबत पोलिसांनी संबंधित अधिकाऱ्यांशी पत्रव्यवहार सुरू केला आहे.
दरम्यान, नीलेश घायवळ सध्या युरोपमध्ये फरार असल्याची माहिती मिळाली आहे. त्याला भारतात आणण्यासाठी प्रक्रिया सुरू आहे.
दारूगोळ्याचा हा बॉक्स आणि त्यावर असलेले गुन्हे पाहता, पोलिसांचा तपास आता मोठ्या नेटवर्क समोर येण्याची चिन्हे आहेत. या प्रकरणात आणखी काही नवे धागेदोरे समोर येण्याची शक्यता व्यक्त होत आहे.
