राजेंद्रकुमार शेळके
(Pune) पुणे : जिल्ह्यातील न्यायिक लढा पत्रकार सेवा संघाचा डॉ.बाबासाहेब आंबेडकर यांच्या नावाने दिला जाणारा काव्य गौरव पुरस्कार जाहीर देण्यात येतो. यंदाचा पुरस्कार ज्येष्ठ शिक्षिका प्रतिमा काळे यांनी जाहीर करण्यात आला आहे.
पत्रकार सेवा संघाच्याच्या वतीने साहित्य, कला, क्रीडा, सामाजिक, राजकीय, शैक्षणिक क्षेत्रात केलेल्या उल्लेखनीय कार्याबद्दल हा पुरस्कार देण्यात येतो. कवयित्री, लेखिका, शिक्षिका यासोबत सामाजिक बांधिलकी जपणारे व्यक्तिमत्व, रोखठोक बोलणारी, अनिष्ट रूढी परंपरा विरुद्ध आवाज उठवणारी अशी प्रतिमा काळे यांची ओळख आहे.
सामाजिक कविता, महापुरुषांच्या प्रेरणादायी कविता, निसर्ग कविता, स्री मनाच्या वेध घेणाऱ्या कविता, सामाजिक प्रश्न, स्री -पुरुष समानता, महिलांवरील संकटे, दैंनदिन घडामोडी यावरील कविता व लेख यांच्या माध्यमातून समाजात परिवर्तन करण्याचा त्यांचा मानस आहे. तसेच शैक्षणिक, सामाजिक क्षेत्रात देखील त्यांचे मोठे योगदान आहे.
शाळेतील विध्यार्थी यांना खाऊ वाटप करणे, शैक्षणिक साहित्य वाटप करणे, गरीब विध्यार्थी यांना मदत करणे, पर्यावरण चळवळीत सक्रिय सहभाग याच कार्याची पावती म्हणून काळे यांना या पुरस्कारने गौरविण्यात येणार आहे. असे पत्रकार सेवा संघ संस्थेचे जिल्हाअध्यक्ष विकास गोविंदराव राऊत यांनी सांगितले.
