साहेबराव लोखंडे
टाकळी हाजी ता. २२: नवरात्रौत्सवानिमित्त म्हसे बु (ता.शिरूर) येथे ग्रामपंचायत सदस्या मंदाताई वेताळ व उद्योजक गणेश वेताळ यांच्या सहकार्याने महिलांच्या सन्मानासाठी कोण होणार वहिनीसाहेब अर्थात होम मिनिस्टर हा कार्यक्रम उत्साहात संपन्न झाला.
यावेळी पाच क्रमांकासाठी बक्षिस वितरण करण्यात आले. विजेते व बक्षिस पुढील प्रमाणे – प्रथम क्रमांक भाग्यश्री रामदास गावडे (फ्रिज), द्वितीय क्रमांक रूपाली एकनाथ मुसळे ( एलईडी टीव्ही), तृतीय क्रमांक सोनाली बाळासाहेब खाडे (कुलर), चतुर्थ क्रमांक शैला दत्तात्रय मुसळे (मिक्सर), पाचवा क्रमांक उज्वला नामदेव गावडे (टेबल फॅन) .
यावेळी शिरूरचे माजी आमदार पोपटराव गावडे , भीमाशंकर कारखान्याचे संचालक देवदत्त निकम , शिरूरच्या माजी नगराध्यक्षा मनिषा गावडे , टाकळी हाजीच्या सरपंच अरुणा घोडे, म्हसे गावातील सर्व पदाधिकारी, कार्यकर्ते , महिला भगिनी, ज्येष्ठ नागरिक बहुसंख्येने उपस्थित होते. या कार्यक्रमाचे सूत्रसंचालन मंगेश फाकटकर यांनी केले. तर स्वागत व आभार हनुमंत मुसळे यांनी मानले.
