संदीप टूले
केडगाव : एकेरीवाडीच्या (ता. दौंड) उपसरपंच अर्चना महारनवर यांनी राजीनामा दिल्याने रिक्त झालेल्या उपसरपंचपदासाठी सोमवारी (ता. २०) निवड प्रक्रिया घेण्यात आली. यामध्ये निर्मला टुले यांचा एकमेव अर्ज आल्याने त्यांची उपसरपंचपदी बिनविरोध निवड करण्यात आली.
या वेळी निवडणूक निर्णय अधिकारी म्हणून ग्रामसेवक नीलकंठ गायकवाड व अध्यक्ष लोकनियुक्त सरपंच विद्याताई टुले यांनी निर्मला टुले यांची उपसरपंचपदी निवड झाल्याची घोषणा केली. या वेळी सतीश टूले, संजय टकले, गंगाराम टूले, प्रवीण टूले, गणेश महारणवर, सुनील भिसे, महेंद्र टूले, मल्हारी टूले, सुधीर टूले, गणेश शेळके, अमोल शेळके आदी उपस्थित होते. या वेळी ग्रामस्थांकडून नवनियुक्त उपसरपंचांचा सत्कार करण्यात आला.
आगामी काळात ग्रामपंचायतीमार्फत सर्व योजना सर्वसामान्यांपर्यंत पोहेचवण्यासाठी प्रयत्न करणार. गावच्या विकासासाठी सरपंच विद्या टूले व इतर ग्रामपंचायत सदस्यांना विचारात घेऊन गटतट न पाहता प्रामाणिक प्रयत्न करणार.
– निर्मला टूले,
नवनियुक्त उपसरपंच, एकेरीवाडी
