पुणे : मुंबई-पुणे द्रुतगती महामार्गावर (Mumbai Pune Expressway ) आज पहाटे (शुक्रवारी) सव्वा चार वाजण्याच्या सुमारास तीन वाहनांचा भीषण अपघात (accident) झाला आहे. या भीषण अपघातामध्ये तीन जणांचा मृत्यू झाला असून तर आठ जण जखमी झाले आहेत.
यावेळी पाइप वाहून नेणारा ट्रक, कोंबड्या घेऊन जाणारा टेम्पो आणि कार ही तीन वाहने एकमेकांवर धडकल्याने हा अपघातात झाला. पाईप घेऊन जाणाऱ्या ट्रकचा ब्रेक फेल झाल्याने हा अपघात झाल्याची माहिती समोर आली आहे.
या भीषण अपघातात जखमी झालेल्यांना उपचारांसाठी रुग्णालयात दाखल करण्यात आले आहे. यावेळी चार जणांची प्रकृती चिंताजणक आहे. या अपघातामुळे महामार्गावरील वाहतून काही काळ विस्कळीत झाली आहे. पोलिसांकडून सध्या वाहतूक सुरळीत करण्याच काम सुरु आहे.
