अक्षय टेमगिरे
शिरूर: शिरूर तालुक्यातील पिंपरी दुमाला येथील श्री क्षेत्र सोमेश्वर मंदिरात पहिल्या श्रावणी सोमवारी आज सोमेश्वराच्या दर्शनासाठी भाविकांची मोठी गर्दी झाली असून पहाटेपासूनच मंदिरात दर्शनासाठी भाविकांच्या रांगा लागल्या होत्या. हर हर महादेव च्या जयघोषाने संपूर्ण मंदिर परिसर भक्तिमय वातावरणाने भारावून गेला आहे.
श्रावणी सोमवारनिमित्त भाविकांनी सोमेश्वराच्या पिंडीवर जलाभिषेक करत बेलपत्र, फुले अर्पण करून मनोभावे पूजा केली. पहाटेपासून सुरू झालेली भाविकांची गर्दी दिवसभर कायम राहणार असून.
परिसरातील तसेच शिरूर तालुक्याच्या विविध भागांतून भाविक सोमेश्वराच्या दर्शनासाठी मोठ्या संख्येने दाखल झाले आहेत.
श्रावण महिन्यातील प्रत्येक सोमवार हा भगवान महादेवाच्या भक्तांसाठी विशेष महत्त्वाचा मानला जातो त्यामुळे पहिल्याच श्रावणी सोमवारी पिंपरी दुमाला येथील श्री क्षेत्र सोमेश्वर मंदिरात भक्ती आणि श्रद्धेचा अनोखा संगम पाहायला मिळाला आहे.
