पुणे : शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे यांच्या सूचनेनुसार महाराष्ट्रात पक्षसंघटन अधिक बळकट करण्यासाठी लोकसभा मतदारसंघनिहाय संपर्कप्रमुखांच्या अधिकृत नियुक्त्या करण्यात आल्या आहेत. पक्षाच्या मध्यवर्ती कार्यालयातून प्रसिद्ध करण्यात आलेल्या पत्रकानुसार, आगामी लोकसभा निवडणुका डोळ्यांसमोर ठेवून ही रणनीती आखण्यात आली आहे.
महाराष्ट्रातील एकूण 48 पैकी 40 लोकसभा मतदारसंघांसाठी या जबाबदाऱ्या सोपवण्यात आल्या आहेत. यामध्ये मुंबईतील 6 मतदारसंघ, ठाणे आणि जळगाव हे भाग वगळून उर्वरित मतदारसंघांची यादी जारी केली आहे. युवा नेत्यांसह मुंबईतील आमदार, माजी नगरसेवक आणि पक्षाच्या ज्येष्ठ पदाधिकाऱ्यांवर ही महत्त्वाची जबाबदारी देण्यात आली आहे.
प्रमुख संपर्कप्रमुखांची नावे आणि मतदारसंघ:
वरुण सरदेसाई: कल्याण आणि भिवंडी लोकसभा
सुषमा अंधारे: सोलापूर आणि माढा लोकसभा
रवींद्र मिर्लेकर: नाशिक आणि दिंडोरी लोकसभा
नितीन बानुगडे-पाटील: सातारा आणि सांगली जिल्हा
नितीन देशमुख: बुलढाणा, अकोला आणि अमरावती जिल्हा
सुनील शिंदे: शिर्डी (अहिल्यानगर)
अरुण दुधवडकर: कोल्हापूर लोकसभा
मानाजी कदम: रायगड लोकसभा (पेण विधानसभा वगळून)
प्रसाद भोईर: मावळ लोकसभा (पेण विधानसभेसह)
आशिष चेंबूरकर: छत्रपती संभाजीनगर लोकसभा
संजय सावंत: बारामती लोकसभा
विलास पोतनीस: पालघर लोकसभा
सचिन पडवळ: पुणे लोकसभा
किरण तावडे: शिरुर लोकसभा
महेंद्र इंदूलकर: हातकणंगले लोकसभा
याशिवाय गुरुनाथ खोत (मीरा-भाईंदर व ओवळा-माजीवडा), आदित्य शिरोडकर (ठाणे, कोपरी-पाचपाखाडी, ऐरोली व बेलापूर विधानसभा), अशोक धात्रक (धुळे), नराव थोरात (हिंगोली), सुनील वामन पाटील (जालना), सुनील काटमोरे (धाराशीव), किशोर पोतदार (नांदेड), प्रदीपकुमार खोपडे (परभणी), परमेश्वर सातपुते (लातूर) आणि अशोक सकपाळ (बीड) यांच्याकडेही वेगवेगळ्या भागांची जबाबदारी दिली आहे.
विदर्भात नरेंद्र खेडेकर (बुलढाणा), नीलेश धुमाळ (अकोला), डॉ. किशोर ठाणेकर (अमरावती), दिलीप जाधव (यवतमाळ-वाशीम), सुधीर सूर्यवंशी (वर्धा), सतीश हर्डे (नागपूर), सुरेश सावंत (रामटेक), महेश केदारी (गडचिरोली-चिमूर), प्रशांत कदम (चंद्रपूर) आणि राजू पाटील (भंडारा-गोंदिया) यांची संपर्कप्रमुख म्हणून निवड झाली आहे.
