लोणी काळभोर, ता. 2: लोणी स्टेशन (ता. हवेली) (Loni Kalbhor) येथील अवैध हातभट्टी विक्रीच्या ठिकाणी लोणी काळभोर पोलिसांनी शनिवारी (ता.28) सकाळी साडेआठ वाजण्याच्या सुमारास छापा टाकला आहे. या छाप्यात पोलिसांनी 9 जणांना अटक केली आहे तर 1 हजार 500 रुपयांचा मुद्देमाल जप्त केला आहे. लोणी काळभोर पोलीस ठाण्याच्या हद्दीत सर्व अवैध धंदे बंद असल्याचा दावा केला जात असताना हा अड्डा सुरू असल्याची चर्चा नागरिकांमध्ये रंगली होती. मात्र, पोलिसांनी केलेल्या या कारवाईमुळे कोणत्याही बेकायदेशीर धंद्याला पाठबळ दिले जात नसल्याचे स्पष्ट झाले आहे.
सागर मल्हारी कसबे (वय-30, रा. कवडीपाठ, टोलनाका, कवडीगांव ता. हवेली, जि. पुणे), दत्तात्रय नवनाथ मोहोळकर (वय-53, रा. गल्ली नं. 7, घोरपडेवस्ती, ता.हवेली, जि. पुणे), समाधान श्रावण कांबळे (वय-38, रा. इराणी गल्ली, कदमवाकवस्ती, ता. हवेली, जि. पुणे), राजु विष्णु बाविस्कर (वय-35, लोणी स्टेशन ता. हवेली. जि.पुणे), विजु किशन गोठे (वय-30, रा. आग्रेवस्ती, लोणीकाळभोर, ता. हवेली. जि.पुणे), निलेश दशरथ ससाणे (वय-35, , रा. आग्रेवस्ती, लोणी काळभोर, ता. हवेली), मातादीन जयराम जाटन (वय-45, रा. पालखी स्थळ, कदमवाकवस्ती, ता. हवेली, जि. पुणे), सर्जेराव विठ्ठल दुभाडे (वय-53, रा. इराणीवस्ती, प्यासा हॉटेलजवळ, कदमवाकवस्ती, ता. हवेली. जि.पुणे) व रोहन शुक्ला (रा.लोणीस्टेशन ता. हवेली जि.पुणे) अशी अटक करण्यात आलेल्या आरोपींची नावे आहेत. याप्रकरणी पोलीस अंमलदार महेंद्र भगवान आगळे यांनी सरकारच्या वतीने लोणी काळभोर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, लोणी स्टेशन येथील विश्वराज हॉस्पिटलशेजारी पत्र्याचे शेडमध्ये एक इसम हातभट्टी दारूची अवैध विक्री करत आहे. अशी माहिती पोलिसांना मिळाली होती. मिळालेल्या माहितीच्या अनुषंगाने पोलिसांनी सदर ठिकाणी छापा टाकला तेव्हा त्या ठिकाणी बरेच इसम दारू पिण्यासाठी थांबलेले आढळून आले. तर 8 जण काळया रंगाच्या प्लास्टिक पिशव्यामधुन हातभट्टी दारू हातात घेवुन पित असताना सापडले.
दरम्यान, लोणी काळभोर पोलिसांनी या कारवाई 1 हजार 50 रुपयांची 15 लिटर हातभट्टी दारू जप्त केली आहे. तर 9 जणांवर महाराष्ट्र प्रोव्हिबिशन अॅक्ट कलम 65 (ई) प्रमाणे गुन्हा दाखल करून अटक केली आहे. लोणी काळभोर परिसरात अवैध दारूविक्रीला आळा घालण्यासाठी पोलिसांनी कडक भूमिका घेतली असून अशा बेकायदेशीर धंद्यांविरुद्ध यापुढेही कठोर कारवाईचा इशारा देण्यात आला आहे.
ही कामगिरी लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांच्या मार्गदर्शनाखाली सहाय्यक पोलीस निरीक्षक अरुण जाधव, पोलीस हवालदार अशोक नळे, रामहरी वणवे, महेश करे, पोलीस अंमलदार महेंद्र आगळे व त्यांच्या सहकाऱ्यांनी केली आहे. लोणी काळभोर पोलिसांच्या या कारवाईचे सर्वत्र कौतुक होत आहे.
