पुणे : कोलवडी गावामध्ये एक धक्कादायक घटना घडली आहे. रात्री बिबट्याने म्हशीच्या पिल्लावर हल्ला करत त्याला शेतात उचलून नेल्याची घटना घडली आहे. यामुळे परिसरात भीतीचे वातावरण निर्माण झाले असून शेतकरी बिबट्याच्या भीतीने शेतामध्ये जायला सुद्धा घाबरत आहेत.
View this post on Instagram
अधिक माहिती अशी की, कोलवडी गावामधील दत्तात्रय विष्णू जोरे यांच्या घरासमोर रात्रीच्या सुमारास म्हशीचे पिल्लू निवांत पडून होते. तेव्हा अचानक बिबट्याने येऊन म्हशीच्या पिल्लावर झडप घातली आणि त्याला उचलून शेतामध्ये नेले. या घडलेल्या घटनेमुळे परिसरात एकच खळबळ उडाली असून शेतकरी आता बिबट्याच्या भीतीने शेतात जायला सुद्धा घाबरत आहेत. वन खात्याने या बिबट्याचा बंदोबस्त करावा, अशी मागणी सर्व शेतकरी बांधवांकडून करण्यात येत आहे.
