आदित्य बोराटे
इंदापूर: देशाच्या ८० व्या स्वातंत्र्य दिनाच्या पूर्वसंध्येला शुक्रवारी (ता. १४) रात्री ८.३० वाजण्याच्या सुमारास इंदापूर शहरात तिरंगा मशाल रॅली काढून स्वातंत्र्यदिनाचा जागर करण्यात आला. भाजपाचे ज्येष्ठ नेते प्रदीप गारटकर व प्रवीण माने यांच्या मार्गदर्शनाखाली ही रॅली काढण्यात आली.
इंदापूर नगर परिषदेच्या समोरील महापुरुषांच्या पुतळ्यांना अभिवादन करून रॅलीला सुरुवात झाली. हातात तिरंगा आणि मशाल घेऊन शहरातील युवक-युवतींसह नागरिक मोठ्या संख्येने रॅलीत सहभागी झाले होते. ‘भारत माता की जय’, ‘जय जवान, जय किसान’ यांसह देशभक्तिपर घोषणांनी परिसर दणाणून गेला.
नगर परिषद येथून सुरू झालेली रॅली पंचायत समिती मार्गे हनुमान मंदिर, खडकपुरा, मुख्य बाजारपेठ, नेहरू चौक, भगतसिंह चौक, महात्मा फुले रोडमार्गे पुन्हा नगर परिषदेच्या प्रांगणात पोहोचली. तेथे रॅलीची सांगता झाली.
यावेळी भाजपाचे तालुकाध्यक्ष आकाश कांबळे, शहराध्यक्ष किरण गाणबोटे, माजी जिल्हा परिषद सदस्य अभिजित तांबिले,नगरसेवक सुधाकर ढगे, अनिल पवार, वसीम बागवान, आशुतोष गानबोटे, गणेश राऊत, अतुल शेटे, माजी नगरसेवक संजय शिंदे, अविनाश मखरे, सामाजिक कार्यकर्ते वसीम शेख, सुहास मखरे, रोहित पाटील, जयवंत नायकुडे सर, दादासाहेब सोनवणे आदी सहभागी झाले होते.
नगर परिषदेच्या प्रांगणात ‘एक शाम देश के नाम’ या देशभक्तिपर गीतांच्या कार्यक्रमाचे आयोजन करण्यात आले. संगीतगुरू वाघमारे सर यांच्या मार्गदर्शनाखाली हा कार्यक्रम झाला.
