सागर जगदाळे
भिगवण : इंदापूर तालुक्यात भरधाव चारचाकी आणि दुचाकीचा भीषण अपघाताची घटना समोर आली आहे. या अपघातात दुचाकीचालक जागीच ठार झाल्याची घटना घडली आहे. ही घटना पुणे-सोलापूर महामार्वर डाळज नं.२ (ता. इंदापूर) गावाच्या हद्दीत गुरुवारी (दि. ३) सायंकाळी चार वाजण्याच्या सुमारास घडली आहे. नवनाथ पिराजी ठवरे (वय-६३, रा. वरकुटे खुर्द, ठवरेवस्ती, ता. इंदापूर) असे अपघातात मृत्युमुखी पडलेल्या व्यक्तीचे नाव आहे.
याबाबतची फिर्यांद मयताचा भाऊ तानाजी पिराजी ठवरे यांनी भिगवण पोलीस ठाण्यात दिली आहे. त्यावरून पिकअप चालक विकी मारुती थोरात (रा. घोटी, ता.करमाळा, जि. सोलापूर ) याच्यावर गुन्हा दाखल करण्यात आला आहे.
याबाबत अधिक माहिती अशी कि, नवनाथ ठवरे हे आपल्या दुचाकीवरून पुणे बाजूकडून सोलापूर बाजूकडे निघाले होते. त्यावेळी भरधाव जाणाऱ्या पिकअपने दुचाकीला पाठीमागील बाजूने जोरात धडक दिली. एवढंच नाही तर काही अंतर फरफटत नेले. यामध्ये नवनाथ ठवरे हे गंभीर जखमी होऊन त्यांचा मृत्यू झाला. पुढील तपास भिगवण पोलीस करीत आहेत.
