पुणे: सध्याच्या काळात महागाईच्या झळा सोसत असलेल्या सर्वसामान्यांसाठी एक दिलासादायक बातमी समोर आली आहे. जागतिक बाजारपेठेतील सकारात्मक घडामोडींमुळे सोने- चांदीच्या किमतीत मोठी घट नोंदवण्यात आली आहे. अमेरिका आणि इराण यांच्यात शांततेचा करार झाल्यामुळे आणि कच्च्या तेलाचे दर कमी झाल्यामुळे सोन्या-चांदीचे भाव जानेवारी २०२६ नंतरच्या नीचांकी पातळीवर आले आहेत.
स्थानिक बाजारपेठेचा विचार करता, २४ कॅरेट सोन्याच्या दरात प्रति १० ग्रॅममागे ३,००० रुपयांची घट झाली आहे, ज्यामुळे आता हा भाव १ लाख ४१,००० रुपयांवर आला आहे. चांदीच्या दरातही मोठी घसरण असून, प्रतिकिलो ७ ते १० हजार रुपयांनी भाव कमी झाले आहेत. सध्या चांदीचा दर २ लाख २०,००० रुपयांच्या आसपास स्थिरावला आहे. काही दिवसांपूर्वी रशिया-युक्रेन युद्धामुळे सोन्याचे दर १ लाख ७५,००० रुपयांच्या पुढे, तर चांदीचा दर ३ लाख रुपयांच्या वर पोहोचले होते, परंतु आता जागतिक परिस्थिती निवळल्याने ग्राहकांना मोठा दिलासा मिळाला आहे.
ताज्या माहितीनुसार, आजचे दर खालीलप्रमाणे
-
२४ कॅरेट सोने (१० ग्रॅम): मूळ भाव १ लाख ४१,००० रुपये; जीएसटीसह अंतिम किंमत १ लाख ४५,२३० रुपये.
-
२२ कॅरेट सोने (१० ग्रॅम): मूळ भाव १ लाख २९,७२० रुपये; जीएसटीसह अंतिम किंमत १ लाख ३३,६१० रुपये.
-
चांदी (प्रति किलो): मूळ भाव २ लाख २०,००० रुपये; जीएसटीसह अंतिम किंमत २ लाख २६,६०० रुपये.
जागतिक बाजारपेठेत सध्या स्थिरता असल्याने भविष्यातही सोन्या-चांदीचे दर नियंत्रणात राहण्याची शक्यता वर्तवण्यात येत आहे. सोने खरेदी करू इच्छिणाऱ्या गुंतवणूकदारांसाठी आणि ग्राहकांसाठी ही एक उत्तम वेळ मानली जात आहे.
