दीपक खिलारे
इंदापूर : दीपावली उत्सवातील दिव्यांचा प्रकाश हा जनतेच्या आयुष्यामध्ये नवी ऊर्जा, उमेद व समृद्धी त्याचबरोबर प्रत्येकास निरोगी दीर्घायुष्य देईल, अशा शब्दांत भाजप नेते व माजी मंत्री हर्षवर्धन पाटील यांनी जनतेला दीपावलीच्या मनःपूर्वक शुभेच्छा दिल्या. दीपावली हा वर्षातील सर्वांत मोठा उत्सव आहे. हा तेजोमय दिव्यांचा सण आहे. तो वाईटावर चांगल्याच्या विजयाचे प्रतीक आहे.
प्रत्येक कुटुंबामध्ये आनंदाचा हा प्रकाश कायम तेवत राहावा, अशा शुभेच्छा व्यक्त करत हर्षवर्धन पाटील म्हणाले की, प्रत्येकाने आयुष्यामध्ये यशस्वी होण्यासाठी दीपावलीच्या शुभ मुहूर्तावर नवीन संकल्पना व नवनिर्मितीचा ध्यास घ्यावा. तुमच्या कतृत्वाला पुन्हा एक नवी दिशा, नवे स्वप्न, नवे क्षितीज त्याचबरोबर पुन्हा एक नवी आशा निर्माण व्हावी, अशी सदिच्छाही दिली.
पाटील पुढे म्हणाले की, दीपावलीचा सण आनंदाने व उत्साही वातावरणात साजरा करताना नागरिकांनी कुटुंबियांच्या अरोग्याची काळजी घ्यावी. तसेच दीपावली सणाच्या माध्यमातून जगामध्ये आदर्श असलेल्या भारतीय संस्कृतीचे जतन व संवर्धन करावे. नव्या पिढीपुढे कौटुंबिक संस्कारांचा आदर्श घालून द्यावा, असे आवाहन केले.
