अखेर पाटस येथील भीमा सहकारी साखर कारखान्याची प्रारूप मतदार यादी उद्या प्रसिद्ध होणार, हरकती घेण्यासाठी २८ ऑगस्ट पर्यंत मुदत

राहुलकुमार अवचट

यवत: संपूर्ण पुणे जिल्ह्यात व महाराष्ट्रात चर्चेत असलेल्या पाटस येथील भीमा सहकारी साखर कारखाना लि. च्या निवडणुकीबाबत न्यायालयीन आदेशानंतर निवडणुकीचे बिगुल वाजले आहे. गेल्या अनेक वर्षांपासून रखडलेल्या कारखान्याच्या निवडणुकीबाबत जिल्हा सहकारी निवडणूक अधिकारी तथा पुणे विभाग प्रादेशिक सहसंचालक डॉ. प्रगती बागल यांनी भीमा सहकारी साखर कारखाना, पाटसच्या मतदार यादी बाबत कार्यक्रम जाहीर केला आहे.

बुधवार दि. १९ ऑगस्ट रोजी प्रादेशिक सहसंचालक (साखर) पुणे विभाग पहिला मजला, साखर संकुल शिवाजीनगर, भीमा सहकारी साखर कारखाना, पाटस, सहाय्यक निबंधक सहकारी संस्था, दौंड, सहाय्यक निबंधक सहकारी संस्था, बारामती व तहसील कार्यालय दौंड या सर्व ठिकाणी प्रारूप मतदार यादी प्रसिद्ध करण्यात येणार असून मतदार यादीवर २८ ऑगस्टपर्यंत प्रादेशिक सहसंचालक साखर पुणे विभाग कार्यालयाकडे अथवा rjdpune.election@gmail.com दाखल करता येणार आहेत . दाखल हरकती व आक्षेप यांच्यावर २८ ऑगस्टपर्यंत निर्णय घेतले जाणार असून अंतिम मतदार यादी दिनांक 11 सप्टेंबर रोजी प्रसिद्ध केली जाणार आहे.