अमोल दरेकर
सणसवाडी : शिरूर तालुक्यातील छत्रपती संभाजी महाराजांचे समाधीस्थळ असणाऱ्या श्री क्षेत्र वढू बुद्रुक याठिकाणी त्रिपुरारी पौर्णिमेनिमित्त दीपोत्सव कार्यक्रमाचे आयोजन करण्यात आले होते.
श्री धर्मवीर संभाजीराजे युवा मंच व स्मृती समिती आणि ग्रामस्थ यांच्या माध्यमातून समाधीस्थळी हजारो पणत्या लावून, आकर्षक रांगोळी काढून सजावट करण्यात आली होती. या वेळी चिमुकलीने पोवाडा सादर करून सर्वांना मंत्रमुग्ध केले. ध्येयमंत्र घेऊन कार्यक्रमाची सुरुवात आणि प्रेरणा मंत्र घेऊन कार्यक्रमाची सांगता करण्यात आली.
या वेळी युवा मंचाचे अध्यक्ष अनिल भंडारे, स्मृती समितीचे सोमनाथ भंडारे, सहायक पोलीस निरीक्षक वैभव पवार, सहायक पोलीस निरीक्षक नितीन अतकरे यासह युवक, ग्रामस्थ उपस्थित होते.
