दौंड: दौंड पोलीस ठाण्याच्या हद्दीतील खडकी (ता. दौंड) येथील (Daund News) आनंद हॉटेल, लॉजिंग अॅन्ड बारमध्ये दौंड पोलिसांनी छापा टाकून वेश्या (Daund) व्यवसाय सुरु असल्याचे उघड केले आहे. या कारवाईत (Pune Crime) एकूण सहा महिलांची पोलिसांनी सुटका केली. तर एका आरोपीस अटक करण्यात आली असून दुसरा आरोपी फरार झाला आहे. या कारवाईत लॉजमधील आठ खोल्यात तपासादरम्यान पाच कंडोम पाकिटे, ग्राहक नोंदवही व आरोपीकडून एक हजार रुपये रोख रक्कम जप्त करण्यात आली. (Latest Marathi News)
विश्वनाथ राजू शेट्टी (वय 41, सध्या रा. आनंद लॉज, खडकी, ता. दौंड जि.पुणे, मुळ रा.तल्लोर ता. कंदापुर जि. उडपी राज्य कर्नाटक) असे अटक करून गुन्हा दाखल करण्यात आलेल्या व्यक्तीचे नाव आहे. तर त्याचा साथीदार मनोज मोहीते (पूर्ण नाव व पत्ता माहिती नाही) हा फरार झाला आहे. या प्रकरणी दोघांवर अनैतिक व्यापार प्रतिबंधक कायदा 1956 अंतर्गत गुन्हा दाखल करण्यात आला आहे. याप्रकरणी दौंड पोलीस ठाण्यातील पोलीस हवालदार संजय कोठावळे यांनी फिर्याद दिली आहे.
पोलिसांनी दिलेल्या माहितीनुसार, दौंड पोलीस ठाण्याच्या हद्दीत दौंड पोलीस व अनैतिक मानवी वाहतूक प्रतिबंध कक्ष पुणे ग्रामीण यांनी बुधवारी (ता. 03) लॉज तपासणी मोहीम राबविण्यात आली. सायंकाळी साडेसात वाजता दोन पंचासमक्ष संयुक्त पथकाने खडकी येथील आनंद लॉजवर छापा टाकला. यावेळी हॉटेलचे काउंटर समोर खुर्चीवर दोन इसम बसलेले दिसले. पोलिसांची चाहूल लागताच तेथुन पळु लागले त्यावेळी एकाला पोलिसांनी ताब्यात घेतले. एकजण पळून गेला.
त्याच्याकडे चौकशी केली असता त्याने त्याचे व पळून गेलेल्याचे नाव वरीलप्रमाणे सांगितले. लॉजींग मध्ये जावुन पाहणी केली असता आठ खोल्या दिसून आल्या. तेथील रूमची पाहणी केली असता त्यामध्ये एकुन 6 मुली व कंडोमचे पाकीट मिळुन आले. सदर मुलींची चौकशी केली असता सदरच्या मुली या पश्चिम बंगाल येथील 3, मुब्रा, धारावी, कर्नाटक, येथील प्रत्येकी एक असल्याचे सांगितले.
विश्वनाथ शेट्टी याचीव पंचा समक्ष तपासणी केली असता रोख एक हजार रुपये मिळून आले. त्यास हॉटेलचे मालकाबाबत विचारपुस केली असता त्याने सदरचे हाँटेल हे झुंबर जयवंत काळभोर रा. गुन्हवरेवस्ती, खडकी ता. दौंड यांचे असुन ते त्यांनी त्यांचेकडुन चालविण्यासाठी घेतले आहे. असे सांगितले. त्यावेळी काउंटर ची पाहणी केली असता तेथे येणाऱ्या ग्राहकांच्या नोंदीचे रजिस्टर मिळुन आले. पंचनामा करून सर्व मुद्देमाल ताब्यात घेण्यात आला.
दरम्यान, पोलिस चौकशीत ताब्यात घेतलेल्या महिलांनी आपण लॉजमध्ये वेश्याव्यवसाय करत असल्याची कबुली दिली. प्रत्येक ग्राहकाकडून एक हजार रुपये घेतले जात असून त्यातील पाचशे रुपये महिलांना दिले जातात, तर उर्वरित रक्कम आरोपी विश्वनाथ शेट्टी व मनोज मोहीते ठेवून घेत असल्याचे उघड झाले आहे. या प्रकरणी दौंड पोलीस ठाण्यात गुन्हा रजिस्टर नंबर 04/2026 अन्वये अनैतिक व्यापार प्रतिबंधक कायदा 1956 चे कलम 3, 4 व 5 अंतर्गत गुन्हा दाखल करण्यात आला असून पुढील तपास सुरू आहे.
दौंडमध्ये वेश्या व्यवसाय सुरू पोलिस मात्र अनभिज्ञ?
दौंड पोलीस ठाण्याच्या हद्दीतील कुरकुंभ – दौंड रस्ता, कुरकुंभ – बारामती रस्ता, चौफुला – पाटस – कुरकुंभ रस्ता, पाटस – वायरलेस फाटा – दौंड या रस्त्यांवरील काही हॅाटेल आणि दौंड शहरात देखील वेश्या व्यवसाय सुरू आहे पण दौंड पोलिसांकडून कारवाई केली जात नाही. त्यामुळे वेश्या व्यवसाय सर्रास सुरू असुनही छापे पडत नाहीत. पोलिसांना या व्यवसायाची खबर कशी मिळत नाही, हे आश्चर्यच असल्याचे नागरिकांची कुजबुज सुरु आहे.
