पुणे: पुणे महापालिकेच्या निवडणुकीत (Pune Mahapalika Election) अर्ज माघारीची प्रक्रिया पूर्ण (Pune Election) झाल्यानंतर निवडणुकीचे चित्र स्पष्ट झाले आहे. यंदाच्या (Pune Politics) निवडणुकीत अनेक प्रभागांमध्ये चौरंगी आणि (Ravindra Dhangekar) पंचरंगी लढती पाहायला मिळत असून काही ठिकाणी माजी नगरसेवक आमनेसामने उभे ठाकले आहेत. तर काही प्रभागांमध्ये बंडखोरी करून पक्ष बदललेल्या उमेदवारांनी थेट (Prashant Jagtap) आव्हान उभे केल्याने निवडणूक अधिक चुरशीची झाली आहे. त्यामुळे किमान 14 प्रभागांमध्ये तुल्यबळ उमेदवारांमधील अटीतटीचा सामना पाहायला मिळणार आहे. (Latest Marathi News)
पुणे महापालिकेच्या 41 प्रभागांमधील 165 जागांसाठी एकूण 1,165 उमेदवार निवडणूक रिंगणात उतरले आहेत. यंदाच्या निवडणुकीत बंडखोरीचे प्रमाण मोठ्या प्रमाणात दिसून येत आहे. तसेच युती आणि महाविकास आघाडीमध्ये जागावाटप नीट न झाल्याने एबी फॉर्म वाटपाचा गोंधळही पाहायला मिळत आहे. अनेक प्रभागांमध्ये युती आणि आघाडीतील मित्रपक्षांचे उमेदवार एकमेकांविरोधात उभे असल्याने या लढतींना नाइलाजास्तव मैत्रीपूर्ण लढतीचे स्वरूप देण्यात आले आहे.
कसबा पेठ भागात भाजपचे गणेश बिडकर आणि माजी आमदार रवींद्र धंगेकर यांच्यातील संघर्ष पुन्हा चर्चेत आला आहे. यंदा बिडकर यांच्यासमोर धंगेकर यांचे चिरंजीव प्रणव धंगेकर उभे आहेत. भाजपमधून बंडखोरी करून राष्ट्रवादी काँग्रेसमध्ये गेलेले अमोल बालवडकर यांनी भाजपचे लहू बालवडकर यांच्याविरोधात दंड थोपटले आहेत. तसेच माजी स्थायी समिती अध्यक्ष बाबूराव चांदेरे यांच्या समोर भाजपचे गणेश कळमकर उभे आहेत.
शिवाजीनगर भागात भाजपच्या रेश्मा भोसले आणि राष्ट्रवादी काँग्रेसचे दत्ता बहिरट यांच्यात पुन्हा एकदा थेट लढत होत आहे. सहकारनगर भागात आबा बागूल, महेश वाबळे, सुभाष जगताप आणि वीणा घोष यांच्यात चुरशीची लढत पाहायला मिळणार आहे. प्रभाग क्रमांक 38 मध्ये बहुरंगी लढत असून कोंढवा बुद्रूक आणि येवलेवाडी भागातही तुल्यबळ सामना आहे. एकूणच पुणे महापालिकेची निवडणूक यंदा अत्यंत रंगतदार ठरणार असून मतदारांचा कौल कुणाच्या बाजूने लागतो, याकडे सर्वांचे लक्ष लागले आहे.
