वाघोली, ता. 29 : वाघोली पोलीस ठाण्याच्या हद्दीत सुरु असलेल्या अवैध धंद्यांवर गुन्हे शाखा युनिट 6च्या पथकाने धाड टाकली. या कारवाईत चार जणांवर गुन्हे दाखल केले आहेत. मागील दोन दिवसांपासून हि कारवाई करण्यात आली आहे. (wagholi crime news)
लक्ष्मण बसवराज राठोड (वय 30, रा. विमाननगर), शौकतअली अब्दुलजब्बर शेख (वय 71, रा. वाघोली), राहुल हगवणे (रा. काळूबाई नगर, वाघोली) असे गुन्हा दाखल करण्यात आलेल्या आरोपींची नावे आहेत.
पोलिसांनी दिलेल्या माहितीनुसार, गुरुवारी (ता. 27) गुन्हे शाखा युनिट 6 चे पथक गस्त घालीत असताना माहिती मिळाली की, खंडोबा मंदिरासमोर आव्हाळवाडी रोड, वाघोली, पुणे येथे पत्र्याच्या शेडमध्ये गावठी हातभट्टीची दारू विक्री होत आहे. त्याप्रमाणे सदर ठिकाणी स्टाफसह अचानकपणे छापा टाकला असता महीला संजना विश्वजीत राठोड (वय 25, रा. हवालदार वस्ती, मोशी पुणे, सध्या रा. आव्हाळवाडी रोड, वाघोली पुणे) हिच्या ताब्यात 15 हजार 300 रुपये किमतीची एकूण 153 लिटर गावठी हभट्टीची दारू मिळून आली. सदर महिलेवर वाघोली पोलीस ठाण्यात महा. दारू. अधिनियम कलम 65(ई) प्रमाणे गुन्हा दाखल करण्यात आला आहे.
दरम्यान, शुक्रवारी (ता. 28) वाघोली बाजारतळ भाजी मंडई जवळ मोकळ्या जागेत लक्ष्मण राठोड, शौकतअली अब्दुलजब्बर शेख, व राहुल हगवणे हे तिघेजण कल्याण मटकाचे जुगाराचे आकडे घेताना एकूण एक हजार 520 रुपये रोख रक्कम व मुद्देमालासह मिळून आले. त्यांच्या विरुद्ध वाघोली पोलीस ठाण्यात महाराष्ट्र जुगारबंदी अधिनियम कलम 12 (अ) प्रमाणे गुन्हा दाखल करण्यात आला आहे.
सदरची कामगिरी वरिष्ठांच्या मार्गदर्शनाखाली प्रभारी पोलीस निरीक्षक वाहीद पठाण, सारंग दळे, निलेश साळवे, गिरीश नाणेकर, बाळासाहेब तनपुरे, नितीन धाडगे, कीर्ती मांदळे यांच्या पथकाने केलेली आहे.
