BREAKING NEWS: पुणे: काही दिवसांपूर्वी पिंपरी – चिंचवडमधील चऱ्हेली वरमुखवाडी परिसरात नितीन गिलबिले (Nitin Gilbile) या व्यवसायिकाची निर्घृण हत्या (Murder) करण्यात आली होती. या प्रकरणात आता धक्कादायक आणि राजकिय ट्वीस्ट समोर आला आहे. या हत्येमागचा मास्टरमाईंड कोण आहे? या शोध पुणे पोलिसांनी (Pune Police) लावला आहे. यापूर्वी पोलिसांनी तीन आरोपींना ताब्यात घेतले होते. (Pune Murder Case)
हेही वाचा- जिंती येथील विद्यमान ग्रामपंचायत सदस्य उमेश शेलार यांची राहत्या घरात आत्महत्या; कारण अस्पष्ट
या प्रकरणात पुणे पोलिसांनी चक्र फिरवत मुख्य आरोपीचा शोध घेतला आहे. तपासादरम्यान हत्येचा मास्टरमाइंड हा एक माजी नगरसेवक असल्याची धक्कादायक माहिती आता पुढे आली आहे. किसन तपकिर असं माजी नगरसेवकाचे नाव आहे. नितीनच्या हत्ये मागे किसन यांची मुख्य भूमिका असल्याचे उघड झाले आहे.
या प्रकरणात पुणे पोलिसांनी तीन आरोपींना अटक केली होती. अमित जिवन पठाेरा (३५), विक्रांत सुरेश ठाकूर आणि सुमित फुलचंद पटेल (३१) या तिघांना पोलिसांनी ताब्यात घेतले. चौकशीत या आरोपींनी माजी नगरसेवक किसन तपकीर यांचे नाव घेतल्याची माहिती समोर आली.
या खुलास्यानंतर राजकारणात मोठी खळबळ उडाली आहे. पोलिसांनी दिलेल्या माहितीत, किसन सध्या फरार असून दिघे पोलीस आणि पिंपरी चिंचवड क्राईम ब्रॅंच त्यांचा शोध घेत आहेत. जमिनीच्या व्यवहारातून नितीनचा खून करण्यात आल्याचे चौकशीत उघड झाले. या प्रकरणी पुढील तपास सुरु आहे.
नितीनच्या हत्येचा सीसीटीव्ही फुटेज
बुधवारी १२ नोव्हेंबर रोजी सांयकाळी नितीन अमित आणि विक्रांत यांच्या सोबत फॉर्च्युनर कारमधून जाताना दिसला. नितीनला एका ठिकाणी कारमध्ये बसवून त्याच्या डोक्यात जवळून गोळी झाडली. या घटनेत त्याचा जागीच मृत्यू झाला. मृतदेह जागीच फेकून दोघे जण घटनास्थळावरून फरार झाले. ही घटना सीसीटीव्ही कॅमेरात कैद झाली. घटनेनंतर पोलिसांनी फरार आरोपींना ताब्यात घेतले.
