नागपूर: नागपूरमध्ये धक्कादायक घटना समोर आली असून राज्य राखीव पोलीस (Nagpur News) दलातील जवान पंकज ठाकूर यांची निर्घृण हत्या करण्यात आली आहे. एमआयडीसी पोलीस स्टेशन हद्दीतील वानाडोंगरी (Crime News) परिसरातील मातोश्री नगर येथे ही घटना घडली असून यामुळे शहरात खळबळ उडाली आहे. (Latest Marathi News)
मिळालेल्या माहितीनुसार, पंकज ठाकूर हे आपल्या कुटुंबासह येथे वास्तव्यास होते. आरोपी आकाश मंडळl हा गेल्या एक वर्षापासून त्यांच्या अल्पवयीन मुलीला त्रास देत होता. तो वारंवार त्यांच्या घराजवळ फिरत असल्याने ठाकूर यांनी यापूर्वीही त्याला ताकीद दिली होती.
गुरुवारी दुपारी पुन्हा तो घराजवळ आल्याने ठाकूर यांनी त्याला फटकारले आणि कानशिलात लगावली. याचाच राग मनात धरून आरोपीने आपल्या कुटुंबासह सूड उगवण्याचा कट रचला. रात्री साडेदहाच्या सुमारास आकाश मंडल, त्याचा भाऊ आणि आई पुष्प मंडळ यांनी पंकज ठाकूर यांना घराबाहेर बोलावले आणि लोखंडी सळ्यांनी त्यांच्यावर हल्ला केला.
या हल्ल्यात ठाकूर यांच्यासोबत त्यांचे मेहुणेही गंभीर जखमी झाले. दोघांनाही तातडीने रुग्णालयात दाखल करण्यात आले. मात्र उपचारादरम्यान पंकज ठाकूर यांचा मृत्यू झाला.
घटनेनंतर आरोपी फरार झाले होते, मात्र पोलिसांनी तत्पर कारवाई करत दोघांना अटक केली आहे. तिसऱ्या आरोपीचा शोध सुरू आहे. विशेष म्हणजे, या प्रकरणातील एक आरोपी पुष्पा मंडल ही पोलीस विभागात लिपिक पदावर कार्यरत असल्याची बाब समोर आली आहे.
या प्रकरणामुळे नागपूरमध्ये संतापाचे वातावरण निर्माण झाले असून एमआयडीसी पोलिसांनी खुनाचा गुन्हा दाखल करून पुढील तपास सुरू केला आहे.
