Hardik Pandya : मुंबई, : आयपीएल २०२६ मध्ये मुंबई इंडियन्सचा खराब फॉर्म कायम असून संघाचा प्रवास चाहत्यांसाठी मोठी निराशा ठरत आहे. गुणतालिकेत नवव्या स्थानावर घसरलेल्या मुंबई इंडियन्समध्ये आता मोठे बदल होण्याच्या चर्चा रंगू लागल्या आहेत. यामध्ये सर्वाधिक चर्चेत आहे ती कर्णधार हार्दिक पंड्याच्या भविष्याची. Hardik Pandya
भारताचे माजी क्रिकेटपटू आणि माजी मुख्य निवडकर्ते श्रीकांत यांनी हार्दिकबाबत मोठे विधान केले आहे. आपल्या यूट्यूब चॅनेलवर बोलताना श्रीकांत म्हणाले की, मुंबई इंडियन्स आता हार्दिक पंड्याला केवळ कर्णधारपदावरून हटवणार नाही, तर त्याला संघातूनही बाहेरचा रस्ता दाखवू शकते. Hardik Pandya
त्यांनी म्हटले की, “सध्याची परिस्थिती पाहता मुंबई इंडियन्सने हार्दिकला अप्रत्यक्षपणे ‘आता तुझी गरज नाही’ असा संदेश दिल्यासारखे वाटत आहे. पुढील हंगामापूर्वी त्याला रिलीज किंवा ट्रेड करण्याचा निर्णय घेतला जाऊ शकतो.” Hardik Pandya
विशेष म्हणजे मुंबई इंडियन्स मधूनच हार्दिक पंड्याच्या आयपीएल कारकिर्दीची सुरुवात झाली होती. त्याच्या दमदार कामगिरीच्या जोरावरच त्याने भारतीय संघात स्थान मिळवले. त्यानंतर तो Gujrat Titens मध्ये गेला आणि २०२२ मध्ये संघाला विजेतेपद मिळवून दिले. २०२४ मध्ये मुंबई इंडियन्सने रोहित शर्मा याच्या जागी हार्दिककडे नेतृत्व सोपवले होते. Hardik Pandya
मात्र, २०२६ च्या हंगामातील अपयशानंतर आता हार्दिक पंड्याच्या मुंबई इंडियन्स मधील भवितव्यावर मोठे प्रश्नचिन्ह निर्माण झाले आहे. आगामी काळात मुंबई इंडियन्स नेमका कोणता निर्णय घेणार, याकडे क्रिकेट चाहत्यांचे लक्ष लागले आहे. Hardik Pandya
