अमित मुंडीक
पिंपरी-चिंचवड: पिंपरी चिंचवड शहरातील मोशी परिसरात ‘एटीएस’ने कारवाई करत एका संशयित व्यक्तीला ताब्यात (ATS arrests suspected terrorist from Moshi area) घेतल आहे. येथील निर्मिती शुभयोग या सोसायटीमधून या संशयित व्यक्तीला ताब्यात घेण्यात आले.
दानिश सय्यद असं एटीएसने ताब्यात घेतलेल्या संशयित व्यक्तीचे नाव आहे. निर्मिती शुभयोग सोसायटीच्या 501 एक क्रमांक सदनिकेत दानिश सय्यद आपल्या पत्नी सोबत भाड्याने राहत होता. मात्र मालकासोबत केलेल्या भाडे करारात त्याने आपलं नाव हुसेन अब्दुल्ला असं लिहिलं होतं.
जवळपास तीन महिन्यापासून दानिश सय्यद हा निर्मिती सुयोग सोसायटीमध्ये भाड्याने राहत होता. काल मध्यरात्री एटीएसने त्याच्या सदनिकेत छापा टाकून त्याला ताब्यात घेतलं आहे. तसेच त्याच्या राहत्या सदनिकेतुन काही इलेक्ट्रॉनिक गॅजेट आणि इतर साहित्य एटीएसने जप्त केले असल्याची माहिती मिळत आहे.
